QR Memleketik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev jemqorlyq týraly habarlaǵan qazaqstandyqtarǵa 730 $ kóleminde syıaqy berýdi ýáde etti. Bul týraly agenttiktiń tóraǵasy áleýmettik jelidegi paraqshasynda jazdy.

«Árbirimiz qazirgi ýaqytta da, bolashaqta da sybaılas jemqorlyqqa oryn joq dep aıtatyn bolsaq, árbir qazaqstandyq jemqorlyqty jeńýge bolatynyna senetin bolsa, eldegi sybaılas jemqorlyqty jeńý ábden múmkin ekenine kózim jetti. Eń bastysy, árbir azamattyń qazirden bastap osyǵan umtylýy mańyzdy. Dostar, eger siz sybaılas jemqorlyqqa qatysty zańbuzýshylyq oryn alyp jatqanyna kýá bolsańyz, ıaǵnı para usynylyp nemese berilip jatqanyn kórseńiz, búdjet qarjysynyń urlanýy josparlanyp jatqanyn bilseńiz, qyzmetin asyra paıdalaný oryn alyp jatqanyna kýáger bolsańyz dereý agenttikke habarlasyńyzdar» , - dep jazdy vedomostva basshysy Facebook-te.

Shpekbaevtyń aıtýynsha, birde-bir qońyraý qaraýsyz qalmaıdy. Sybaılas jemqorlyqqa qatysty aqparatpen bólisken azamattarǵa qupıalylyq pen quqyqtyq qorǵaýǵa kepildeme beriledi. Eger aqparat rastalǵan jaǵdaıda, aqparatpen bólisýshi 240 myń teńgege ($730) deıin syıaqy ala alady.