Menıngokok ınfeksıasyn juqtyrýdyń shyńyraýy artta qaldy jáne seıilip keledi. Bul týraly QR DSM Qoǵamdyq densaýlyq saqtaý komıtetiniń basshysy Jandarbek Bekshın málimdedi, - dep habarlaıdy Tengrinews.kz. 

"Búginde naýqastaný seıilip keledi. Jalpylaı respýblıka boıynsha bir aptada ǵana 13 jaǵdaı tirkelgen. Údemeli kezeńnen óttik jáne búgingi tańda Almatyda tórt táýlikte vırýs juqtyrýdyń jańa jaǵdaılary tirkelmegeni qýantady. Menıngıtke shaldyqqan 14 adam jazylyp shyqty, bul obektıv sandar naýqastanýdyń seıilip kele jatqandyǵyn kórsetedi", - deıdi Bekshın OKQ-da ótken brıfıń barysynda. 

Ol el boıynsha 24 adamnyń áli de emdelip jatqanyn aıta ketti. Onyń ishinde 12 adam Almatyda. 

"Úsh bala áli de jansaqtaý bóliminde - Almaty oblysy jáne Astanada. Almatyda menıngıtpen jansaqtaý bóliminde jatqandar joq. Búginde Almatyda óz erkimen 360 adam ekpe saldyrdy", - dep atap ótti ol. 

Sonymen qatar, komıtet basshysy call-ortalyqtardyń jumysy jaıly da aıta ketti. Onyń sózinshe, aldyn alýǵa qatysty alǵashqy táýlike 4,5 myń suraq qoıylǵan, al eki kúnde - 8 myń. 

Qazirde Qazaqstan boıynsha menıngokok ınfeksıasynan 13 adamnyń kóz jumǵany rastalyp otyr.