Almatyda jas sábı menıngıt ınfeksıasyn juqtyrdy degen kúdikpen aýyr jaǵdaıda aýrýhanaǵa tústi, dep habarlaıy Qamshy.kz aqparat agenttigi. 

Bul týraly densaýlyq saqtaý mınıstrli Eljan Birtanov málimdedi. 

"Keshe menıngıt ınfeksıasyn juqtyrdy degen kúdikpen eki adam aýrýhanaǵa tústi. Jalpy, barlyq naýqastardyń jaǵdaıy ózimniń baqylaýymda. Olardyń ómirine qaýip tónip turǵan joq. Keshe Almatyda kishkentaı sábı aýyr jaǵdaıda aýrýhanaǵa tústi. Qazirgi ýaqytta jaǵdaıy turaqty. Ázirge dıagnozy naqtylanǵan joq", – deıdi Birtanov.

Mınıstrdiń sózinshe, Qazaqstanda menıngıt boıynsha ahýal turaqty.

"Menıngıt juqtyrdy degen dıagnoz 60 adamǵa qoıyldy. Aýrýdyń jańa derekteri tirkelgen joq, sondyqtan másele baqylaýda. Qazirgi tańda aýrýhanada menıngokok ınfeksıasyn juqtyrǵan 11 adam emdelip jatyr", – deıdi Birtanov.