Aqtóbede 9 aılyq sábıden menıngokok juqpasy anyqtaldy. Sábı qazir aýrýhanada em qabyldap jatyr, dep habarlaıdy Óńirlik komýnıkasıalar qyzmeti.

Sábı oblystyq klınıkalyq juqpaly aýrýlar aýrýhanasynyń jansaqtaý bólimshesine «jedel respıratorly-vırýstyq ınfeksıa» dıagnozymen jatqyzylǵan. Bul jaıynda Qoǵamdyq densaýlyq saqtaý komıtetiniń Aqtóbe oblysy boıynsha departamentiniń basshysy Nursulý Berkimbaeva málimdedi. 

— Baladaǵy «menıngokok juqpasy» dıagnozy zerthanalyq túrde rastaldy. Naýqas emdelý kýrsynan ótýde. Sábıdiń jaǵdaıy turaqty, jaqsarǵany baıqalady. Onymen aralasqan týystary tekserildi, tekserý nátıjeleri teris. Oǵan medısınalyq baqylaý ornatyldy. Epıdemıaǵa qarsy sharalar tolyq kólemde júrgizildi, - dedi Nursulý Berkimbaeva.