Shymkentte 15 maýsymda qaıtys bolǵan jasóspirimniń menıngokok ınfeksıasyn juqtyrǵany rastaldy. Bul týraly Qazaqstan Densaýlyq saqtaý mınıstrligi habarlady.
Vedomstvo eldegi menıngokok ınfeksıasyna qatysty epıdemıologıalyq jaǵdaı týraly habarlamasynda jyl basynan beri menıngıtpen 62 adam aýyrǵanyn, onyń 13-i qaıtys bolǵanyn aıtady. Kóz jumǵandardyń altaýy - Almaty qalasy, úsheýi - Almaty oblysy, úsheýi - Ońtústik Qazaqstan oblysy, bireýi - Qyzylorda oblysynyń turǵyny. 42 naýqas aýrýhanadan emdelip shyqqan, jeti naýqas emdelip jatyr.
Almaty oblysynda sońǵy eki kúnde úsh adam menıngokok juqtyrdy degen kúdikpen aýrýhanaǵa túsken. Qazir zerthanalyq tekserý júrgizilip jatyr.
