Bıyl 3 shildede Astanada «Qazaqstandyq jahandyq ınvestısıalyq dóńgelek ústel» forýmy ótedi. Forýmǵa halyqaralyq sarapshylar men Qazaqstan úkimeti qatysady. Bul týraly vedomstvonyń resmı saıtynda habarlandy.

500-deı uıym ókilderi shaqyrylǵan bul forým halyqaralyq jáne qazaqstandyq joǵary deńgeıdegi komersıalyq jáne qarjylyq dırektorlar, ınvestorlar,  pikir kóshbasshylary men halyqaralyq BAQ ókilderi qatysatyn eksklúzıvti jıyn. Forýmdy Qazaqstan Respýblıkasynyń premer-Mınıstri Baqytjan Saǵyntaev úkimette ekonomıkalyq máseleler boıynsha mamandanǵan jetekshi laýazymdy tulǵalardyń qatysýymen jınap otyr. Negizgi maqsattary:

jańa oqıǵalardy zerdeleý jáne elde iskerlik orta qalyptastyrýǵa atsalysý, sonymen qatar Qazaqstannyń jańa býyn jas urpaǵyn damytýǵa belsendi qatysý;

«Jańa Jibek Joly» jáne basqa óńirlik bastamalar úshin ázirlengen materıaldyq-tehnıkalyq bazanyń aýqymdy qurylysyn kapıtaldandyra otyryp, naqty jobalar ázirleý jáne olardy oryndaý;

Prezıdent Nazarbaevtyń 3.0 «Modernızasıa» saıasatynda atalǵan úkimettiń jańa ınvestısıalyq saıasaty boıynsha jan-jaqty túsinik alý.

NELİKTEN QAZAQSTAN?

-  Halqynyń jalpy sany  183 mıllıon jáne JİÓ (SQPboıynsha) 4 trıllıon AQSH dollaryn quraıtyn iri jáne salystyrmaly túrde qolaıly EAEO naryǵyna Qazaqstan jeńildetilgen qoljetimdilik usynady;

- óziniń biregeı geoekonomıkalyq ornalasýynyń arqasynda Qazaqstan Ortalyq Azıa elderiniń damýyna jańa serpin berý úshin eń aldyńǵy pozısıada tur, bul Qytaı men EO elderi arasynda anaǵurlym tıimdi baılanys ornatý maqsatynda iske asyrylyp jatqan Qytaıdyń «Jańa Jibek Joly» bastamasymen baılanysty

- Qazaqstan bul tendensıalarǵa ozyq óndristik tehnologıalardyń (suranym boıynsha óndirý, 3D quraǵysh buıymdar óndirisi, qorlardy jasandy ıntellekt kómegimen basqarý jáne t.b.) ınvestısıalyq áleýetin ashýǵa baǵyttalǵan keshendi ekonomıkalyq baǵdarlamalardy iske asyrýmen jaýap berýde, bul baǵdarlamalar agroónerkásptik damýdy keńeıtýge, daıyn ónimder shyǵarýǵa jáne t.b. – ıaǵnı jańa jahandyq jetkizilimder tizbegi úshin zamanaýı óndiristik alań qurýǵa baǵyttalǵan.

BUL FORÝM KELESİ MÚMKİNDİKTERDİ USYNADY:

Eldiń iskerlik ortasyndaǵy jańa ázirlenimderdi zertteý, sonymen qatar keleshek urpaqty qalyptastyrýdyń qazaqstandyq baǵdarlamasyn qoldaý jáne oǵan belsendi qatysý;

«Jańa Jibek Joly» sıaqty óńirlik bastamalarǵa negizdelgen kólemdi logıstıkalyq ınfraqurylym qurýmen baılanysty naqty jobalardy izdeý jáne iske asyrý

Prezıdent Nazarbaevtyń «Modernızasıa 3.0» saıası platformasymen, jekeshelendirý sharalarymen, «Astana» Halyqaralyq Qarjy Ortalyǵy» bastamasymen jáne osylarmen baılanysty iskerlik múmkindiktermen nyǵaıtylǵan Úkimettiń jańa ınvestısıalyq strategıasy týraly tolyqqandy túsinik qalyptastyrý.