Aqtóbe oblysynyń prokýratýrasy Aqtóbe oblysy Yrǵyz aýdanynda avtobýstyń órtenýi saldarynan 52 Ózbekstan azamatynyń mert bolýyna baılanysty isti sotqa joldady, dep habarlaıdy Qamshy.kz aqparat agenttigi QR Bas prokýratýranyń baspasóz qyzmetine silteme jasap.

5 adam aıyptalýshy dep tanyldy. Onyń 3-eýi avtobýs júrgizýshisi jáne «Azıa tranzıt servıs» JSHS 2 qyzmetkeri – quryltaıshy men seriktestiktiń mehanıgi. Atalǵandardyń mindeti – reıske shyǵar aldynda avtobýsty tekserý.

Kompanıa quryltaıshysynyń áreketi komersıalyq uıymdarda mindetterine adal qaramaý (QK-niń 254-baby), eki jáne odan kóp adamnyń qaza bolýyna ákep soqqan jaramsyz avtokólik quralyn paıdalanýǵa engizý, sondaı-aq resmı qujatty qoldan jasaý, kórineý jalǵan qujatty paıdalaný (QK-niń 385-babynyń 1 jáne 3-bólikteri) retinde saralandy.

Mehanıktiń áreketi eki jáne odan kóp adamnyń qaza bolýyna ákep soqqan jaramsyz avtokólik quralyn paıdalanýǵa shyǵarý   (QK-niń 348-babynyń 4-bóligi) retinde, al avtobýs júrgizýshileriniń áreketi eki jáne odan kóp adamnyń qaza bolýyna ákep soqqan kólik quralyn paıdalaný qaǵıdalaryn buzý (QK-niń 345-babynyń 4-bóligi) jáne eki jáne odan kóp adamnyń abaısyzda qaza bolýyna ákep soqqan órt qaýipsizdigi qaǵıdalaryn buzý (QK-niń 292-babynyń 3-bóligi) retinde saralandy.

Sot avtobýs júrgizýshilerine qamaýda kúzetpen ustaý túrinde bultartpaý, seriktestiktiń basshysy men mehanıkke qatysty kepil túrinde bultartpaý sharasyn tańdady.

Avtobýs ıesine kúzetpen qamaýda ustaý túrinde bultartpaý sharasy taǵaıyndala otyryp, halyqaralyq izdestirýge jarıalandy.