Belgili jýrnalıs, jazýshy Dáýren Qýat "Qazaq ádebıeti" gazetiniń bas redaktory qyzmetine taǵaıyndaldy, dep habarlaıdy Qamshy.kz aqparat agenttigi. 

Ol buǵan deıin "Altyn orda" men "Jas qazaq" gazetinde bas redaktor bolǵan. "Altyn orda" atty aımaqtyq gazetti respýblıkalyq deńgeıge kótergen. 2002 – 2003 jyldar aralyǵynda «Qazaq ádebıeti» gazeti bas redaktorynyń orynbasary bolǵan.

Dáýren Qýat 1973 jyly Almaty oblysy Taldyqorǵan qalasy Qapal aýdany Ashybulaq aýylynda dúnıege kelgen. M. Qashqarı atyndaǵy jáne Ǵ. Músirepov atyndaǵy syılyqtardyń laýreaty. 

1990 jyly aýdandyq «Qapal eńbekkeri» gazetiniń tilshisi;

1993 jyly oblystyq «Jeruıyq» gazetiniń tilshisi;

1994 jyly respýblıkalyq «Halyq keńesi» gazetiniń burynǵy Taldyqorǵan oblysyndaǵy (qazirgi Almaty oblysy) menshikti tilshisi;

1996 – 1997 jyldar aralyǵynda Elaralyq «Qazaq eli» halyqaralyq gazetiniń menshikti tilshisi, bólim meńgerýshisi;

1997 – 1999 jyldar aralyǵynda respýblıkalyq «Jas Alash» gazetinińtilshisi, bólim meńgerýshisi;

2000 – 2001 jyldar aralyǵynda respýblıkalyq «Altyn orda» gazeti bas redaktorynyń orynbasary;

2001 – 2003 jyldar aralyǵynda «Habar» arnasyndaǵy «Maıdan» telebaǵdarlamasynyń redaktory, M.O.Áýezov atyndaǵy Ádebıet ınstıtýtynyń kishi ǵylymı qyzmetkeri;

2002 – 2003 jyldar aralyǵynda «Qazaq Ádebıeti» gazeti bas redaktorynyń orynbasary;

2004 -2007 jyldary respýblıkalyq «Altyn orda» gazetinde bas redaktor;

2008 – 2009 jyldary respýblıkalyq «Jas qazaq» gazetiniń bas redaktory;

2009 jyldan beri qaraı «Abai.kz» aqparattyq portalynyń bas redaktory, «Abaı-aqparat» Qazaqstan ınternet keńistigin damytý qory» Qoǵamdyq qorynyń prezıdenti;

2013 jyly Túrki álemi jazýshylaryna arnalǵan syılyqtyń laýreaty;

2015 jyly QR Aqparat salasynyń úzdigi;

2016 jyly QR Táýelsizdiginiń 25 jyldyǵyna arnalǵan medal ıegeri.