Aǵymdaǵy jyldyń ekinshi toqsanynda iri jáne orta kásiporyndarǵa jáne uıymdarǵa 209,3 myń adam qabyldandy, túrli sebeptermen – 216,3 myń adam jumystan ketti. Jumystan ketken qyzmetkerlerdiń arasynda turaqtamaý sebepteri boıynsha jumystan bosatylǵandar 77,1%, qyzmetkerler sanynyń qysqartylýyna nemese kásiporynnyń taratylýyna baılanysty – 3,6%, basqa sebepter boıynsha – 19,3% quraıdy. Ekinshi toqsannyń sońyna iri jáne orta kásiporyndarmen uıymdarda 31,4 myń bos jumys oryn bar ekenin málimdegen, dep jazady Qamshy.kz aqparat agenttigi QR UEM baspasóz qyzmetine silteme jasap.

Aǵymdaǵy jyldyń ekinshi toqsanynda qabyldaý boıynsha aınalym koefısıenti 7,6%,  jumystan bosatý boıynsha aınalym koefısıenti – 7,8%, jumys kúshiniń turaqsyzdyq koefısıenti – 6,0% qurady. Osy kezeńde jumys kúshin aýystyrý koefısıenti 96,8% qurady.

Qabyldaý boıynsha aınalym koefısıenti – bul eseptik kezeń aǵymdaǵy qyzmetkerlerdiń tizimdik sanyna ortasha osy kezeńge qabyldanǵandar sanyna qatynasy.

Bosatylý boıynsha aınalym koefısıenti – eseptik kezeń aǵymdaǵy qyzmetkerlerdiń tizimdik sanyna ortasha osy kezeńge bosatylǵandar sanyna qatynasy.

Jumys kúshiniń turaqsyzdyq koefısıenti – eseptik kezeń aǵymyndaǵy qyzmetkerlerdiń tizimdik sanyna ortasha osy kezeńge turaqsyzdyq sebepteri boıynsha bosatylǵan qyzmetkerlerdiń araqatynasymen anyqtalady. Turaqsyzdyq sebepterine eńbek tártibin buzýyna baılanysty jáne óz erikteri boıynsha bosatylǵandar jatady.

Jumys kúshin aýystyrý koefısıenti – bosatylǵan qyzmetkerlerdiń sanyna qabyldanǵan qyzmetkerler sanynyń qatynasymen sıpattalady, ıaǵnı bosatylǵan qyzmetkerlerdiń qaıta qabyldanǵan kadrlarmen aýystyrylýy.