Máskeýde «Reseı energetıkalyq aptalyǵy – 2018» Halyqaralyq forýmynyń sheńberinde Qazaqstan Respýblıkasynyń Energetıka mınıstri Qanat Bozymbaev jáne Reseı Federasıasynyń Energetıka mınıstri Aleksandr Novak 2010 jyldyń 9 jeltoqsandaǵy Qazaqstan Respýblıkasynyń jáne Reseı Federasıasynyń Úkimetteri arasyndaǵy Qazaqstanǵa munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgerister engizý týraly úkimetaralyq Hattamaǵa qol qoıdy. 

Engizilip jatqan ózgerister Reseıden Qazaqstanǵa munaı ónimderin kirgizý jáne Qazaqstan aımaǵynan Eýrazıalyq ekonomıkalyq odaqtyń kedendik aımaǵynan tys shyǵarý máselelerin retteýdi vedomstvoaralyq deńgeıge shyǵarýǵa múmkindik beredi (eki eldiń energetıka vedomstvolary)
Osylaısha, Qazaqstan janar-jaǵarmaıdyń ishki naryǵyndaǵy balansyna baılanysty munaı ónimderiniń keıbir túrleriniń eksportyn jáne ımportyn ashý/jabý boıynsha sheshimderdi jyldam qabyldaı alady.

Qazirgi tańda Qazaqstanda ashyq tústi munaı ónimderin tasymaldaýǵa tıym salynǵan. Qol qoıylǵan Hattama Qazaqstandaǵy jańǵyrtylǵan munaı óńdeý zaýyttarynda shyǵarylǵan ashyq tústi munaı ónimderin eksporttaýǵa múmkindik beredi.