"Baspana Hıt" rasymen de hıtke aınaldy. «Baspana» ıpotekalyq uıymynyń koll-ortalyǵy kún saıyn júzdegen qońyraý qabyldaıdy, áleýmettik jeliler jáne saıttaǵy keri baılanys túri arqyly kelip jatqan suraqtar legi tolastar emes.
"Baspana Hıt" baǵdarlamasy boıynsha qazaqstandyqtardy barynsha qyzyqtyrǵan suraqtardy bir sholyp ótip, ıpotekalyq uıym basshysy Qaırat Altynbekov bar oıyn úsh tezıske syıǵyzdy.
- Jańa da, eski úı de jaraıdy
Iá, dál osylaı. "Baspana Hıt" jańadan salynǵan úıdi de, qoldanysta bolǵan, buryn salynǵan úıdi de ıelenýge múmkindik beredi. Bul rette, eger siz páterdi jańa salynǵan úıler naryǵynan satyp alǵyńyz kelse jáne basyńyzda tirkelgen úı bolmasa 7-20-25 baǵdarlamasyna nazar aýdarýǵa keńes berer edim. Al atyńyzda úı bolsa, onda siz 7-20-25-ke qatysa almaısyz. "Baspana Hıt" baǵdarlamasynda mundaı shart joq, menshigińizde páter bola tura jańa úıge de, buryn salynǵan turǵyn úıge de ıpoteka alýǵa bolady. "Baspana Hıttyń" jalǵyz ǵana shekteýi – ótelmegen basqa ıpotekalyq kredıtińiz bolmaýy tıis.
- Klıent úshin paıyz ústemesi ózgermeıdi
Qazir "Baspana Hıt" baǵdarlamasynyń nomınaldy ústemesi jylyna 11%-dy quraıdy. Ústeme Ulttyq bankiniń bazalyq stavkasyna tikeleı baılanysty, tek oǵan 1,75 paıyz qosylady. Búgingi kúni Ulttyq bankiniń bazalyq stavkasy 9,25%-dy quraıdy. Demek, soǵan 1,75%-dy qosamyz da, 11% mólsherindegi qorytyndy ústemeni alamyz. Mysaly, eger erteń Ulttyq banktiń bazalyq stavkasy 6 paıyzǵa tússe, "Baspana Hıttyń" jyldyq paıyzy 7,25%-dy qurar edi. Mundaı jaǵdaıda bizge mynadaı suraqtar kóp túsýde, azamattar "Baspana Hıt" boıynsha kredıt alyp qoıǵannan keıin ony óteý barysynda jyldyq stavka ózgerip ketpeı me dep alańdap jatady. Joq, shart jasalǵan kezde kórsetilgen stavka sol ıpoteka tólenip bitkenshe ózgermeıdi.
- Baspana Hıt boıynsha ıpotekalyq kredıtti qaıdan alýǵa bolady
Búgingi kúni biz "Baspana Hıt" baǵdarlamasy boıynsha ekinshi deńgeıli bes bankpen qosymsha kelisimge otyrdyq. Olar Sesnabank, Halyq bank, Bank SentrKredıt, BankRBK jáne Eýrazıalyq bank. Jýyrda taǵy eki bank qosylady dep otyrmyz. Osylaısha Qazaqstannyń 7 iri banki sizderge "Baspana Hıt" baǵdarlamasy boıynsha ıpoteka berýge daıyn.
İzgi nıetpen, Qaırat Altynbekov!
Pikir qaldyrý