Memleket basshysy Nursultan Nazarbaev Astanadaǵy EXPO-2017 kórme ortalyǵyndaǵy "Nur Álem" pavılonynda ótip jatqan Jastar jylynyń ashylý saltanatyna qatysty, dep habarlaıdy Qamshy.kz aqparat agenttigi.

Jastardyń jetistigin tyńdaǵan Nazarbaev óz aqylyn aıtty. Ásirese, qarttar men jetim balalarǵa qatysty aıtqany jastardyń, eriktilerdiń júregine jetti.

"Qarttar úıine barǵanda qabyrǵam qaıysady. Balasyn jetimder úıine aparý, ata-anasyn qarttar úıinde qaldyrý degen qazaqta bolmaǵan. Búgingi jastarǵa ómir sheksiz, bitpeıtindeı kórinedi. Meniń jasyma kelgende kóresińder. Ómir degen zý etip ótip ketedi. Jastardyń júreginde qamqorlyq bolsa... Qarttar úıindegi bir ataǵa baryp, jaı ǵana qal-jaǵdaıyn surasań, sol da jetkilikti. Qýanyp, rıza bolyp, batasyn beredi. Jetimdi asyrap alsań, adamǵa da, Allaǵa da jaǵasyń", - dedi Elbasy. 

Aıta keteıik, Nursultan Nazarbaev jastardy keshendi qoldaý maqsatynda 2019 jyldy Jastar jyly dep jarıalaǵan bolatyn. Keıinirek Jastar jylynyń logotıpi bekitilgen edi. Avtorlar logotıptiń tústik gammasyna erekshe kóńil bólgen. Mysalǵa sary tús - pozıtıvti energetıkany, merekeni, kúnniń nuryn, kógildir tús - keńshildikti, shyǵarmashylyq áleýet pen dostyq qarym-qatynasty bildiredi. Kók tús- rýhanı tazalyq men kemeldikti, qyzǵylt-sary tús - turaqtylyqtyń, qýanyshtyń, dostyq qarym-qatynastyń sımvoly dep beınelengen.