Dinimizde «úıdegi tazalyqty eń las jerden bastaý kerek» delinedi.  Eń las jerdiń ájethana ekeni belgili. Biz kerisinshe aldymen tórdi tazalaımyz. Elimizdiń túkpir-túkpirindegi  qoǵamdyq ájethanalardyń qandaı kúıde ekendigi búginde  búkil álemge áshkere bolǵan desek bolady. Sheteldikterden de uıalmaıtyn jaǵdaıǵa jettik.

Kórshiles ózbek eli osynyń emin taýypty. 2018 jyly salynǵan 50 qoǵamdyq ájethana Memkomtýrızmniń ájethana turǵyzǵandarǵa  salyq jeńildikteri jasalatyny jónindegi  SMS-habarlamasy arqyly iske asqan kórinedi.

Byltyr ózbek elinde 462 sanıtarlyq-gıgıenalyq ájethana qoldanysqa berilipti. Osylaısha Ózbekstan týrıserdiń qoǵamdyq ájethanaǵa baılanysty narazylyqtaryn eskerip, ony sátimen júzege asyrǵan. Osylaısha ala taqıaly aǵaıyn 2025 jyldyń 1 qańtaryna deıin jyl saıyn 12 mıllıon sýmdy (1430 $) gıgıena talaptaryna saı qoǵamdyq ájethana salǵandarǵa bólip otyrmaq. Ol qarjynyń ishine  komýnaldyq shyǵyndar, tazalyqshynyń jalaqysy, tazalaǵysh zattar da kiredi. Sondaı-aq týrıserge jaqyn mańdaǵy ájethanany tabýǵa kómektesetin arnaıy mobıldik qosymsha da engizilmek. Tashkentten úırenip,  bizge de týrızmdi týaletten bastaǵan durys-aý!