Reseılik ekonomıs Sergeı Domnın Qazaqstanda munaı baǵasynyń qymbattaıtyny týraly forbes.kz jýrnalyna habarlady. Ekonomıs Venesýelanyń jaǵdaıyna qarap, eldegi ekonomıkalyq jaǵdaıdyń nasharlaýynyń basty sebebi - benzın baǵasynyń arzandyǵy ekenin atap kórsetip, damýshy memleketterdi bul qatelikti jasamaýǵa shaqyrdy, dep jazady Qamshy.kz aqparat agenttigi.

"Eldi benzınsiz qaldyrmaıyn dese, Qazaqstan úkimeti janar-jaǵarmaı qunyn Reseıdegi baǵamen teńestirýi kerek. Sonymen qatar, 2025 jyly EEO aımaǵynda ortaq munaı ónimderiniń naryǵy qurylady. Reseılikter óz munaıynyń baǵasyn qazaqtarǵa qarap aýystyrmaıdy ǵoı, bul barlyǵyna túsinikti. Demek Qazaqstanda munaı baǵasy 230 teńgege jetýi múmkin", - deıdi ekonomıs.

Búginde Reseıdegi benzın baǵasy Qazaqstannan 20 amerıkalyq sentke qymbat. Elimizdiń aqshasyna shaqqanda 75 teńgeniń arasynda.  

Asyǵat Abzalov

Usynǵan: Nazerke Labıhan