Suryqsyz ómirinen jalyǵyp, aqyr sońynda ony satyp jibergen Ien Asher búgin baı ári baqytty. Al ol ómirin qalaı satyp jiberdi deısizder ǵoı?..

Ien Asher baqytty otbasyn quryp, súıikti ispen aınalysýdy armandaǵan qarapaıym azamat edi. Alaıda ekeýinde de azamattyń joly bolmady.

Jasy 50-ge taıap qalǵanda ol Avstralıadaǵy kishigirim dúńgirshekte kilem satýshy bolyp jumys istegen. Áıelimen ara-qatynasy buzylyp, shegine jetkende, Ien kúızeliske qatty túsedi. Osylaısha, ózin de, ómirin de jek kórip ketti, ábden jalyqty. Myń oılanyp-tolǵanyp aqyry suryqsyz ómirin satýǵa sheshim qabyldady.

 Ol eBay arqyly óz ómirin saýdaǵa saldy. Onda: búkil jıhazy bar úıi, kóligi, motosıkli, parashút jabdyqtary, jumys orny jáne dostary men tanystary kirdi. «Osymen ómirimdi aıaqtadym, onymen qosh aıtysamyn» dep jazdy sońynda. Qyzyq bolǵanda, ómiri kádimgideı saýdaǵa tústi. Alǵashqy baǵasy 1 dollar edi.  Bir aptadan soń 305 myń dollarǵa bir-aq shyqty. Ómirin myńdaǵan dollarǵa satyp jibergen Ienniń Asherdiń tek qujaty ǵana qaldy.

«Men tylsym, aıaqasty bolatyn dúnıelerdi jaqsy kóremin. Biraq, shyn máninde ómirim qyzyqsyz ótti. İstegen isimnen rahat almaıtyn kúıge jettim, Bárinen jalyqtym da, bas tartamyn dep sheshtim», - dep Ien ótken ómirin esine aldy.

Qolyna qomaqty qarjy tıgen Ien Asher aldyna 100 maqsat qoıyp, tizimin jasady da, báriniń oryndalýyna 100 apta ýaqyt jumsaýǵa óz-ózine sóz berdi. Osylaısha Dýbaıǵa ushaqqa bılet alyp, maqsatynyń alǵashqysyn baǵyndyra bastady. Alǵashqy maqsaty kún astynda taý shańǵysyn tebý boldy. Eki jylyn úzdiksiz saıahattaýmen ótkizdi: Ispanıada buqalarmen alysty, Afrıkada akýlalarmen, Japonıada kıttermen júzdi. Ushaq basqarýdy úırendi. Qytaıdyń Uly qorǵanyn jaıaý júrip ótti, álemdegi eń iri sarqyramalardy óz kózimen kórdi. Londonda óziniń kýmıri – kásipker Rıchard Brensonmen tanysyp, túbi dostyqqa ulasty. Gollıbýdte fılmge tústi. Tipti keı fılmderge tegin túsken.

Eki jyl ótken soń Ien Asher 100 maqsattyń 93-iniń oryndalǵanyn baıqady. Al qalǵan 3 armany aıaqsyz qaldy. Onyń ústine, onyń 30 myń dollary qalǵan edi. Sóıtip qolyndaǵy aqshasyna Panama   jaǵalaýynan tastandy aral satyp alady. Ol jerde súıiktisi Momen turady. Ien men Mo qazir balalarǵa arnalǵan kitap shyǵaratyn baspahana ashqan. Sonyń arqasynda Ien tabys taýyp júr.

«Endi qarapaıym jumys istemeımin», - dep  óz-ózine ýáde berdi. Eń bastysy, ol – baqytty. 

Daıyndaǵan: Gúlim Jaqan