Turmysy tómen otbasylardyń kirisin tekserý kezinde járdemaqynyń 4 túri eseptelmeıdi. Bul týraly prezıdent tapsyrma bergen dep habarlaıdy Qamshy.kz aqparat agenttigi sputniknews.kz saıtyna silteme jasap. 

"Prezıdenttiń tapsyrmasymen osy másele qaralyp jatyr. Járdemaqynyń 4 túri eseptelmeýi múmkin. Olar – kópbalaly otbasylarǵa, "Altyn" jáne "Kúmis alqa" ıegerlerine beriletin memlekettik járdemaqy jáne múgedek balaǵa qarastyrylǵan tólem. Sondaı-aq shárkirtaqy da kiriske jatpaıtyn bolady", - dep túsindirdi  Eńbek jáne halyqty áleýmettik qorǵaý mınıstriniń orynbasary Svetlana Jaqypova. 

Sáýirden bastap 832 myń kópbalaly jáne turmysy tómen azamattarǵa beriletin járdemaqy úshin bıyl búdjetten 94 mıllıard teńge qarastyrylǵan. Tólemdi kúnkórisi qıyn otbasylar alady.

Vıse-mınıstr jurt memlekettik járdemaqyǵa ıek artyp, masyldyqqa jol bermeıdi dep sanaıdy. Degenmen, olaı bolsa, jumysqa qabiletti azamattyń otbasy ataýly áleýmettik kómek ala almaıdy. Olar usynylǵan jumystan birinshi ret bas tartsa, tólemniń 50 paıyzynan, al ekinshi ret járdemaqydan múlde qaǵylady. Biraq, ár balaǵa beriletin járdemaqy tólene beredi.    

"Eger jalǵyzbasty ana 4 balany ózi baǵyp otyrsa, balalary 20 789 teńgeden alady. Ózi balaǵa kútim jasap otyr ǵoı, ol anaǵa da 20 789 teńge tólenedi. Jalǵyzbasty ana bir balamen otyrsa, ekeýine de 20 789 teńgeden tólenedi", - deıdi vıse-mınıstr.

Usynǵan: Maqpal Sembaı