Mmaboxing.ru saıty qazirgi ýaqyttaǵy eń kóp gonorar alatyn bes boksshynyń reıtıńin jarıalady dep habarlaıdy Qamshy.kz aqparat agenttigi Sports.kz saıtyna silteme jasap.

Álem boıynsha teledıdardan berilgen alǵashqy boksshylar jekpe-jegi 1933 jyly Londonda orta salmaqtaǵy Archı Sekston men Lorı Raıterı arasynda bolǵan.

Sodan beri teledıdardaǵy tegin translásıalar aqyly pay-per-view deńgeıine deıin damyǵan.

Qazirgi ýaqytta juldyzdy boksshylar bir keshten túsetin qarjy arqyly baıyp ketý múmkindigine ıe boldy.

Bul kúni mln dollarlyq jekpe-jekpen eshkimdi tańǵaldyra almaısyń. Oǵan 2018 jyldyń naýryz aıynan búgingi kúnge deıin eń joǵary qarjy alyp kelgen boksshylardyń bestigi dálel bola alady.

5. Deonteı Ýaılder - 16,1 mln dollar.

Asa aýyr salmaqtaǵy WBC chempıony Ýaılder ótken jyldyń naýryz aıynda jeńilip kórmegen kýbalyq Lýıs Ortısten basym bolyp, 2,1 mln dollar aldy. Jeltoqsan aıynda Ýaılder Taıson Fúrımen jekpe-jekke shyqty. Sol aıqasta shamamen 325 000 PPV satylyp, boksshyǵa 14 mln dollar tabys ákeldi.

4. Mennı Pakáo - 30 mln dollar.

Álem boıynsha segiz kategorıaly jalǵyz chempıon Pakáo sońǵy ret 19 qańtarda Las-Vegastaǵy "MGM Grand" arenada Edrıen Bronermen jekpe-jekke shyǵyp, biraýyzdy sheshimmen jeńiske jetti. Showtime arnasynan pay-per-view boıynsha kórsetilgen sol jekpe-jekte fılıppındyq boksshy 10 mln dollar tabysqa keneldi.

Habarlamalarǵa súıensek, sol aıqasta 400 myń PPV satylǵan. Alaıda, Pakáo úshin bul sonshalyqty joǵary kórsetkish emes, óziniń áldeqaıda áldirek jyldarynda ol budan da kóp tabys tapqan.

Shilde aıynda Pakáo Lýkas Mattısseni 7-shi raýndta nokaýtqa jiberip, ony WBA-nyń "turaqty" chempıony tıtýlynan aıyrdy.

Sol jekpe-jekte "Pakmenniń" naqty qansha tabys tapqany belgisiz, alaıda onyń keńesshisi Maıkl Konstyń málimetine súıensek, kem degende - 20 mln dollar.

3. Gennadıı Golovkın - 41 mln dollar.

Orta salmaqtaǵy burynǵy álem chempıony qazaqstandyq Gennadıı Golovkın.

Ol ótken jyldyń qyrkúıek aıynda Saýl Alvarespen qarymta kezdesýde tóreshilerdiń sheshimimen jeńilip qaldy.

Degenmen, jeńiliske ushyraǵan ol 40 mln dollar aldy.

Aqyly jazylýshylardyń sany 1,1 mln boldy.

Odan tórt aı buryn Golovkın Vanes Martırosándy eki raýnd ishinde op-ońaı nokaýtqa jibergen bolatyn.

Nátıjesinde 1 mln dollar tabys tapty. Golovkın jaqynda DAZN strımıngilik servısimen kelisimshartqa qol qoıdy. Kompanıa ony odan ári qomaqty chektermen qamtamasyz eteri sózsiz.

2. Entonı Djoshýa - 51,6 mln dollar.

Ótken jyl aýyr salmaqtaǵy WBO, WBA jáne IBF chempıony úshin tabysty jyl boldy. Naýryzda Djozef Parker biriktirilgen jekpe-jekte jeńiske jetip, 28,5 mıllıon dollar tapty.

Qyrkúıek aıynda Povetkındi 6 raýndta Wembley Stadium stadıonynda nokaýtqa túsirip, óz belbeýin qorǵaǵan.

Bul kezdesýi úshin Djoshýa 28,5 mln dollar tabysqa keneldi.

1. Saýl Alvares - 65 mln dollar.

Ótken jyldyń kóktemindegi dopıng oqıǵasyna qaramastan orta salmaqtaǵy WBC/WBA chempıony Alvares 2018 jyly eki márte rıngke shyqty.

Qyrkúıek aıyndaǵy Golovkınmen jekpe-jektegi jeńisi úshin ol 50 mln dollar aldy.

Al jeltoqsan aıynda "Kanelo" DAZN-men kelisim boıynsha óziniń birinshi aıqasyn ótkizdi.

4 mamyrda Alvaresti absolútti álem chempıony ataǵy úshin kezdesý kútip tur.

Ol bul joly IBF chempıony Denıel Djeıkobspen aıqasady.

Atalǵan boks keshi meksıkalyq sportshy úshin mol tabystyń kózi bolary sózsiz.

 

 

Posmotret etý pýblıkasıý v Instagram

 

 

All smiles from today’s press conference. Our partnership with DAZN is official. Can’t wait to get back to the ring.

Pýblıkasıa ot Gennady Golovkin | GGG (@gggboxing) 11 Mar 2019 v 8:32 PDT

Usynǵan: Maqpal Sembaı