Japonıanyń Saıtama qalasynda ótip jatqan mánerlep syrǵanaýdan álem chempıonatynda Elızabet Tursynbaeva kúmis medal jeńip aldy dep habarlaıdy Qamshy.kz aqparat agenttigi Olympic.kz saıtyna silteme jasap.

Sportshy qysqa baǵdarlamany sátti oryndady. Japondyq Kaorı Sakamoto men reseılik Alına Zagıtovaǵa jol berip, óz mansabynda alǵash ret kúmiske qol jetkizip otyr. 

Elızabettiń bul jeńisi Qazaqstan úshin tarıhı jeńis. Sebebi, buryn-sońdy mánerlep syrǵanaýda qazaq qyzdarymyzdan eshbiri mundaı jetistikke jetken joq.

Erkin baǵdarlamada Tursynbaeva tórttik salhovty oryndady. Bul mánerlep syrǵanaý sportyndaǵy tarıhı sátterdiń biri. Sebebi, buǵan deıin atalmysh qıyn elementti áıelder arasynda eshkim oryndaı almaǵan.

Tóreshiler bul oryndaýdy 148.80 balǵa baǵalady. Qos baǵdarlama qorytyndysy boıynsha Elızabet Tursynbaeva kúmis júldge qol jetkizdi. Jalpy upaı sany 224.76 boldy.

Elızabet Tursynbaeva álem chempıonatynyń tuǵyryna kóterilgen alǵashqy qazaqstandyq áıel bolyp tarıh betterine jazyldy.

Reseılik Alına Zagıtova 237.50 upaımen jeńiske jetse, qola júlde 223.80 upaımen Evgenıa Medvedevaǵa buıyrypty.

Usynǵan: Maqpal Sembaı