Memleket basshysynyń Jarlyǵymen Murat Nurtileýov QR Prezıdentiniń kómekshisi bolyp taǵaıyndaldy, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
"Ol Qazaqstan Respýblıkasynyń Fınlándıa Respýblıkasyndaǵy Tótenshe jáne Ókiletti Elshisi qyzmetinen, Qazaqstan Respýblıkasynyń Estonıa Respýblıkasyndaǵy Tótenshe jáne Ókiletti Elshisi qyzmetin qosa atqarýdan bosatyldy", - delingen habarlamada.
Murat Nurtileýov 1976 jyly 11 naýryzda dúnıege kelgen. Ál-Farabı atyndaǵy Qazaq ulttyq ýnıversıtetiniń túlegi. Malaızıadaǵy QR elshiliginiń attashesi, Syrtqy ister mınıstriniń keńesshisi, Senat apparaty basshysynyń orynbasary bolǵan.
Pikir qaldyrý