Elorda ataýyn ózgertý Elbasy saıasatynyń myzǵymastyǵynyń jarqyn kórinisi. Bul týraly «Nur Otan» partıasy Tóraǵasynyń Birinshi orynbasary Máýlen Áshimbaev Demokratıalyq kúshterdiń «Qazaqstan-2050» jalpyulttyq koalısıasynyń kezekti otyrysynda aıtty dep habarlaıdy Qamshy.kz aqparat agenttigi.

Aldymen ol Elbasy qashanda el men halyqtyń múddesin birinshi kezekke qoıyp, árdaıym durys sheshimder qabyldaıtynyna nazar aýdardy.

– Qazaqstan halqy úshin Tuńǵysh Prezıdentimizdiń esimi árdaıym memlekettilik, egemendik jáne Táýelsizdik sıaqty asa mańyzdy qundylyqtarmen bir qatarda turady. Qazirdiń ózinde Elbasynyń esimi táýelsiz memleketimizdiń negizin qalaýshy, barlyq reformalardyń avtory, álemdik deńgeıdegi saıasatker retinde tarıhymyzǵa altyn áriptermen jazylatyny sózsiz, – dedi Máýlen Áshimbaev.

Sondaı-aq ol otyrysta talqylanǵan astanamyzdy Nur-Sultan qalasy dep qaıta ataý máselesi týraly sóz qozǵap, onyń mańyzy týraly aıtty.

– Elorda ataýyn ózgertý Elbasy saıasatynyń myzǵymastyǵynyń jarqyn kórinisi. Bas qalamyzǵa Tuńǵysh Prezıdentimizdiń esimin berý arqyly biz barsha qazaqstandyqtar men halyqaralyq qaýymdastyqqa elimizdiń damý jolynda Elbasy saıasaty odan ári jalǵasatynyn kórsetemiz. Sondyqtan bul sheshimdi qoldaı otyryp, mundaı mańyzdy qadamdy halyqtyń Elbasynyń táýelsiz Qazaqstannyń negizin qalap, astanamyzdy salýdaǵy eren eńbegine kórsetken zor qurmeti dep qabyldaımyz, – dedi Máýlen Áshimbaev.

Otyrysqa Koalısıa músheleri: eldegi jetekshi partıalardyń basshylary, Parlament depýtattary, Qazaqstan halqy Assambleıasynyń, kásibı jáne qoǵamdyq birlestikterdiń ókilderi qatysty. İs-shara sońynda barsha qazaqstandyqtardy Qazaqstannyń Tuńǵysh Prezıdenti aıqyndaǵan eldiń strategıalyq basymdyqtaryna sózben de, ispen de tolyq qoldaý kórsetýge jáne Elbasynyń Táýelsizdikti kúsheıtýge, eldi júıeli jańǵyrtýǵa, sondaı-aq, árbir qazaqstandyqtyń ál-aýqatyn arttyrýǵa baǵyttalǵan saıasatyn birlesip jalǵastyrýǵa, astanamyzdyń ataýyn ózgertý týraly tarıhı sheshimge ún qosýǵa shaqyrǵan Úndeý qabyldandy.

Usynǵan: Gúlim Jaqan