Darhan Káletaev Prezıdent Ákimshiligi basshysynyń birinshi orynbasary boldy, - dep habarlaıdy Qamshy.kz aqparat agenttigi Aqordaǵa silteme jasap.

"Darhan Amanuly Káletaev Qazaqstan Respýblıkasy Prezıdentiniń Ákimshiligi Basshysynyń birinshi orynbasary bolyp taǵaıyndalsyn", - delingen Jarlyqta.

Eske sala ketsek, Káletaev 1 naýryzda premer-mınıstr keńsesiniń basshysy qyzmetine taǵaıyndalǵan edi. Darhan Káletaev 1972 jyly Shyǵys Qazaqstan oblysynda dúnıege kelgen.

Shyǵys Qazaqstan memlekettik ýnıversıtetin "tarıh" mamandyǵy boıynsha, Memlekettik basqarý ulttyq joǵary mektebin "memlekettik basqarý menedjeri" mamandyǵy boıynsha támamdaǵan. Saıası ǵylymdar doktory.

Eńbek jolyn 1995 jyly QR Mınıstrler Kabınetiniń Tilder komıtetiniń mamany retinde bastaǵan. Bilim jáne mádenıet, aqparat jáne qoǵamdyq kelisim mınıstrlikteriniń qurylymynda jumys istegen.-2002 jyldary Mádenıet jáne qoǵamdyq kelisim mınıstrliginiń ishki saıasat departamenti dırektorynyń orynbasary, keıin Aqparat jáne qoǵamdyq kelisim mınıstrliginiń jastar saıasaty departamentiniń dırektory bolyp jumys istedi. 

2002 jyldan bastap - QR Prezıdenti Ákimshiliginiń sektor meńgerýshisi, ishki saıasat bóliminiń meńgerýshisi, áleýmettik-saıası bólim meńgerýshisi, memlekettik baqylaý jáne uıymdastyrý bóliminiń meńgerýshisi qyzmetin atqarǵan. 

2007-2008 jyldary - QR Prezıdenti Ákimshiligi basshysynyń orynbasary, 2008-2009 jyldary - "Nur Otan" HDP Tóraǵasynyń birinshi orynbasary, 2009-2016 jyldary - "Samuryq-Qazyna" ulttyq ál-aýqat qory" AQ basqarýshy dırektory qyzmetterin atqarǵan.

Usynǵan: Maqpal Sembaı