Qazaqstandyq Qaırat Ahmetov pen aýstralıalyq Rıs Maklarenniń Tokıoda ótken jekpe-jeginiń tolyq nusqasy jarıalandy dep jazady Qamshy.kz aqparat agenttigi. Atalmysh vıdeony "MMA and BOXING Hot news" kanaly jarıalaǵan.
Álemdik ONE Championship Gran-prı aıasynda ótken jekpe-jekte onda sportshylar jeńil salmaqta judyryqtasty.
Ahmetov tóreshilerdiń sheshimimen 3-raýndta jeńiske jetti. Bul Ahmetovtyń 22-jeńisi. Osyǵan deıin 2 ret jeńiliske ushyraǵan.
Sondaı-aq qazaqstandyq sportshynyń jekpe-jek kezinde aýyr jaraqat alǵany belgili boldy. Bul týraly Qaırat Ahmetovtyń menedjeri Saıat Ábdirahmanov óziniń Instagram paraqshasyna jazdy.
"Alańdaýshylyq bildirgen barlyq jankúıerlerdi shyn júrekten quttyqtaımyn! Jeńis qutty bolsyn! Qaırattyń nendeı qıyndyqtarǵa tap bolǵanyn az ǵana adam biledi. Jekpe-jekke deıin de, kezdesý kezinde de qıyndyqtar azaımady. 1-raýndta Qaırat qolyn syndyryp aldy. Biraq aýyr jaraqatyna qaramastan Qaırat Gran-prıdiń jartylaı fınalyna joldama aldy. Baýyrym men seni maqtan tutamyn!", - dep jazdy Saıat Ábdirahmanov.
Endigi kezekte qazaqstandyq faıter fınalǵa shyǵý úshin japonıalyq Senzo Ikedo jáne fılıppındik Dennı Kınged juby jeńimpazymen judyryqtasatyn bolady.
Ásel Bolatqyzy
