Qazaqstannyń Densaýlyq saqtaý mınıstri Eljan Birtanov vedomstvonyń júktiliktiń 12-aptasyna deıin tirkeýge turǵan júkti áıelderge 425 myń teńge beriletini týraly bastamasyn rastady dep jazady Qamshy.kz aqparat agenttigi.

Mundaı norma densaýlyq saqtaý máseleleri boıynsha zań jobasynda qarastyrylǵan. Ózgertýlerge sáıkes, júktiligi boıynsha tirkeýge 12-aptaǵa deıin turǵan júkti áıelderge keminde 10 eń tómengi jalaqy mólsheriniń kóleminde materıaldyq yntalandyrý tólemin engizý usynylyp otyr. «Jańa kodekstiń aıasynda azamattardyń densaýlyǵyna jaýapkershiliken qaraýyna baǵyttalǵan sharalar keshenin talqylap jatyrmyz. Búginde densaýlyq deńgeıi boıynsha ahýal kórsetkendeı, ókinishke qaraı, azamattar óz densaýlyǵyna jetkilikti túrde jaýapkershilikpen qaramaı, kóp jaǵdaıda medısınalyq qyzmetkerlerdiń aralasýyn kútedi. Eń birinshi kezekte, bul yntalandyrý sharasy aldyn alýǵa baǵyttalǵan», - deıdi elimizdiń bas dárigeri. 

Sonymen qatar, mınıstrlik ýaqytyly tirkeýge turmaǵany úshin ákimshilik aıyppul salýdy usynyp otyr. 
Búginde ózgertýler qoǵamda talqylanyp jatyr. Zań jobasy jaz mezgilinde parlamentte qaralatyn bolady.

Usynǵan: Gúlim Jaqan