QAZAQ TİLİ MEN... QULPYNAI Búgin senbi. Esik aldynda tańerteńmen mashınamen kelip, qulpynaı satyp jatyr. -Klýbnıka! Mestnaıa! Kaskelenskaıa! Ne dorogo! Daýystary jer jarady.
Aýlaǵa shyqtym. Qarasam, qazaqtyń eki jigiti. Oryssha habarlaǵanda, aksentteri ózimizdiki, aýyldiki, Tolstoı tiliniń túbin túsiredi. Saýda onsha júrip jatpaǵan sekildi. Adam az. Múmkin, senbi kúni ertemen el áli uıqysyn asha qoımaǵan shyǵar, kim bilgen. Aıttym: -Osy aýlada turatyndardyń kóbisi - ózimizdiń qara kóz. Kóbisin tanımyn, baıqaımyn, namysshyl bári. Sender qazaqsha habarlasańdar, bálkim, saýdalaryń dóńgelene túser... Biraz ýaqyttan soń úıge qaıtyp kele jatsam, manaǵy jigitterdiń biri júgirip kelip, rahmetin jaýdyryp jatyr. -Aǵa! Siz aıtqan soń qazaqsha shaqyryp edik, adamdar kele bastady. Birazy bizdi: "Klýbnıka" emes, "qulpynaı" degenderińe, taza qazaqsha shaqyrǵandaryńa rahmet!", - dep maqtap jatyr. Qulpynaıymyzdy da satyp alyp jatyr... Túıin: tilge degen qurmet aýlada satylatyn qulpynaıdan bastalady!Ámirjan Qosanov, facebook
