7 arna tilshisi Maııa Bekbaevanyń “Moıa ıstorıa” baǵdarlamasynda Nurlan Álimjanov jubaıy Jansaıamen aıyrylysýy oǵan ońaıǵa tımegenin aıtty.

Óziniń balalyq shaǵy men óner joly týraly áńgime bastaǵan Álimjanov baǵdarlama sońynda jeke ómirindegi qıyndyqtar jaıly aıtyp, aǵynan jaryldy.

“Jubaıym Jansaıamen 2006 jyly tanystyq. Sol jyly otbasy qurdyq. Bul alǵash kórgen sátten týyndaǵan mahabbat bolatyn. Men úsh kún dostyǵymyzdan keıin usynys jasadym. Bizdiń ortaq 3 balamyz bar. Eki ul bala men bir qyz bala. Úlkeniniń esimi Ǵabdýlla. Ol 8 jasta. Ortanshysy – Nurmuhammed. Ol 7 jasta. Jáne kishi qyzym Tomırıs 5 jasqa keldi”, – dedi ártis tilshige.

Álimjanov jarymen joly eki bólek ketkenin de rastady.

“Iá. Bul ras. Men shynymen ómirimdegi qıyn kezeńdi bastan ótkerýdemin. Januıańda balalar bolsa eki ese aýyr bolady eken. Qazaqtar mundaıdy “dám-tuzymyz jaraspady” dep túsinidirip jatady. Ol óte jaqsy jan. Jansaıa týraly jaman sózder aıtýdan aýlaqpyn. Nekege deıin ǵashyqtar arasyn mahabbat pen qushtarlyq baılanystyrady. Al otbasyly bolǵanda barlyǵyn turmys sheshedi. Túsinispeýshilikterdi adamgershilik, shydamdylyq pen aqyl sheshedi. Al bular bolmaǵan jaǵdaıda qarym-qatynasqa syzat túsedi. Men ózimdi minsiz jan sanamaımyn. Biraq óz balalaryma ákelik paryzymdy ótep, qashanda qastarynan tabylýǵa tyrysamyn. Men olardy qatty jaqsy kóremin”, – dedi sóz sońynda ánshi.