Almaty oblysynyń ákimdigi jetim balalardyń baspanaly bolýyn qamtamasyz etý maqsatynda birqatar sharalar qabyldaýda. Atap aıtqanda, oblys ortalyǵy Taldyqorǵan qalasyndaǵy «Shyǵys» shaǵyn aýdanynda jetim balalarǵa arnalyp turǵyn úı salynyp jatyr, dep habarlaıdy Almaty oblysy ákiminiń baspasóz qyzmeti.

60 páterlik komýnaldyq úıdiń 28-i bir bólmeli, 32-si eki bólmeli páterler bolmaq. 2014 jylǵy tamyz aıynda bastalǵan bes qabatty turǵyn úı qurylysy bıylǵy jyly aıaqtalýy tıis.

Jalpy smetalyq quny 348 946,530 myń teńge bolatyn nysannyń qurylysyn bas merdiger kompanıa «Shymyr» JSHS júrgizýde. Bas jobalaýshy «Arlan –Joba qurylys» JSHS. Qurylys jumystaryna 80 adam jumyldyrylǵan.

Qurylys jumystary aıaqtalǵan soń bul páterlerdiń barlyǵy da jetim balalarǵa beriletin bolady.

Oǵan qosa jýyrda oblystyq máslıhattyń kezekti HV sesıa otyrysynda búdjet esebinen 646,9 mln. teńge bólinip, bul qarjyǵa Qarasaı aýdanyndaǵy «Asyl arman» turǵyn úı kesheninen jetim balalarǵa arnap 100 páter satyp alý josparlanyp otyrǵany málim boldy.

Atalmysh sharalar tolyǵymen júzege asyrylǵanda oblystaǵy qamkóńil balalardyń kópshiliginiń baspana máselesiniń túıini tarqatylady dep mejelenýde.

 Almaty oblysy ákiminiń baspasóz qyzmeti