Qazaqstan arýy-2013″ baıqaýynyń jeńimpazy Aıdaı Isaeva gonzo.kz tilshisine bergen suhbatynda elde taraǵan sybystarǵa bola aqtalyp otyrmaıtynyn jetkizdi. “Qazaqstan arýy” baıqaýynda aqsha berip, jeńimpaz atanýǵa bolady degen sybysqa qatysty arýdyń óz aıtary bar eken. “Sybys tarap júrgenin bilemin. Aqtalyp otyratyn jaıym joq. Bul meniń  sulýlyq baıqaýlaryna 10-shy ret  qatysýym.  Stýdentpin jáne bolashaq dáriger retinde arym taza ekenin aıtqym keledi. Til tıgizetiderge men de suraq qoıǵym keledi. Sizder baıqaýda tóreshi bolǵan sol kezdegi Qazaqfılm basshysy Ermek Amanshaev, dızaıner Quralaı Nurqadilova, Maksım Akbarov, Tımýr Kývatov, Aleksandr Orlov, Aıgúl  Múkeı, Sovet Seıitov, Qarlyǵash Muhamedjanova, Nurlan Álimjanov jáne telejúrgizýshi Serik Aqyshev pen Alena Rıvlına týraly ne oılaısyzdar? Olar meni aqshaǵa bola tańdady ma? Mundaı syıly tóreshiler satylady dep oılamaımyn! Olar elimizdiń patrıottary. Olar úshin Halyqaralyq sulýlyq baıqaýynda Qazaqstannan laıyqty úmitker usyný aqshadan mańyzdyraq. Bul tóreshiler aqshaǵa zárý dep oılasyzdar ma?”, – dep sybys taratýshylarǵa suraqtaryn jaýdyrdy Isaeva. Qazaqstan arýy suhbat barysynda bolashaqqa josparymen bólisti. “Aldaǵy ýaqytta kem degende 4 balanyń anasy atanǵym keledi. Kásipkerlik ortada óz bıznesimdi ashýdy da oılap júrmin”, – dep aǵynan jaryldy arý. Eske salsaq, “Álem arýy-2014″ baıqaýynyń qatysýshysy Aıdaı Isaeva jaqynda Maqsat esimdi jigitke turmysqa shyqqan bolatyn.