Taldyqorǵan mańynda eki oryndy tikushaq qulaǵan kezde oblystyq máslıhattyń depýtaty qaza tapty, - dep habarlaıdy RIA Novostı. Eske sala keteıik, tikushaq jol qurylysy júrip jatqan Kóksý aýdanynda apatqa ushyrady. Oqıǵa 27 mamyrda tústen keıin boldy.
Depýtat Janaıdar Eginbaevtyń qaza bolǵanyn agenttikke óńirlik TJD men oblys ákimdigindegiler rastady. Eginbaev ELA 07 S markaly avtojırdy basqarǵan jáne qurylys jumystary júrip jatqan aımaqtan ushyp ótpekshi bolǵan. Odan basqa tikushaqta eshkim bolmapty. Aldyn ala boljam boıynsha, avtojır joǵary vóltty elektr ótkizgish jelisin ilip ótken. Ushqysh sol jerde qaıtys boldy. Aıta keteıik, depýtat "Taldyqorgan joldary" JSHS quryltaıshysy jáne tikushaq ta soǵan tıesili.
Oqıǵa ornynda qutqarýshylar men quqyq qorǵaý organdarynyń mamandary jumys istep jatyr. Apattyń sebebi keıin jarıalanady.
Qaza bolǵan Janaıdar Eginbaev eki ret oblystyq máslıhatqa depýtat bolyp saılanǵan. Ol 1950 jyly 28 shildede Kóksý aýdanynda týylǵan, keı jyldary jergilikti kásiporyndarda mehanık jáne ınjener bolyp qyzmet etti. Úılengen, úsh balasy bar. "Qurmet" ordenimen jáne "Ereń eńbegi úshin" medalimen marapattalǵan.
https://youtu.be/LIc2IDp84Fg
