Úıge qaıtyp bara jatyp anadaı jerde kór-jer satyp jatqan tájiktiń kempirine buryldym. Birer stakan shemishke alyp, úıge deıin shekildetip barmasam. - Shemishkeńizden bir stakan berińiz, apa. - Ala ǵoı. Biraq búgin bul da qymbattady. - Nege? - Benzın kóterilip ketti ǵoı, balam, - deıdi ol ulty tájik bolsa da, taza qazaq tilinde. - Shemishkeniń benzınge ne qatysy bar? - Bári qymbatttady. Al men ashtan ólip qalmaýym kerek. Myna shemishkeden ol baıyp ta ketpeıdi, muny satpasa ashtan ólip te qalmaıdy. Biraq ol myna jerde ár stakan shemishkeniń ústinen tabatyn 5-6 teńge paıdasyna bola otyr emes pe? Úıge jettim. Kelinshegim kóńilsiz. Áıtpese, búgin qalaǵa baryp qaıtqan. Shamasy, bireýmen sózge kelip qalǵan-aý... - Nege kóńilsizsiń? - deımin. - Jáı. Benzın qymbattapty. Demek, bazardaǵy baǵa kóterilgen. Munyń úıden josparlap shyqqanyndaı bolmaı qalǵan. "Úıdegi kóńildi bazardaǵy naryq buzady" deı me? Telefonym shyryldady. - Alo? - Máke qalaısyń? Toı bar edi. Atqaryp berý baǵasy qansha? - dedi telefonymnyń ishinen bir tanys daýys. "Benzın qymbattady" dep men de baǵany kótersem be eken" dep oıladym. Al, táýekel! - Aý, onyń qymbattaý sıaqty ǵoı. Sál tússeı? - Benzın qymbattady ǵoı. - Sol benzınniń qymbattaǵany maǵan da pále boldy. Toı jasaımyn dep shyǵynǵa battym. Dastarhan qymbatqa tústi. Arzan baǵaǵa ótkerip ber. Ónerińdi eshkimnen satyp alǵan joqsyń ǵoı. Daýaı, ynsapty umytpa... "Benzın qymbattady" ádisi maǵan kelgende jumys jasamaı qaldy. Myqtybek Orazbaıuly, Facebook paraqshasynan