Qazaqstandyq boksshy Tursynbaı Qulahmet Bangkokte ótip jatqan Azıa chempıonatynyń 1/2 fınalyna joldama aldy dep habarlaıdy Qamshy.kz aqparat agenttigi Prosports.kz saıtyna silteme jasap.

75 kg deıin salmaqta synǵa túsken jerlesimiz ózbekstandyq boksshy Israıl Madrımovten basym tústi. 

Sonymen qatar, Qazaqstandyq taǵy bir boksshy Zakır Safıýllın 60 kg deıin salmaqta synǵa túsip, qytaılyq boksshy Szún Shandy qapyda qaldyrǵan bolatyn. Sóıtip, Zakır de jartylaı fınalǵa ótti. 

Jáne 2016 jylǵy Olımpıada oıyndarynyń kúmis júldegeri Vasılıı Levıt shırek fınalda Irak eliniń boksshysy Saadı Mohammed Rabeamen kezdesti. Kezdesý barlyq raýndqa sozylyp, Levıttiń paıdasyna sheshildi. Osylaısha, 31 jastaǵy Vasılıı Levıt te týrnırdiń jartylaı fınalyna ótti.

Keshki sesıada (17:00) taǵy eki boksshymyz judyryqtasady.

69 keli salmaqta: Aslanbek Shymbergenov (Qazaqstan) - Bobo-Ýsmon Batýrov (Ózbekstan)

+91 kelisalmaqta: Qamshybek Qońqabaev (Qazaqstan) - Odaı Alhıvdavı (Iordanıa)

Eske salaıyq, keshe 2019 jylǵy Azıa chempıonatynyń jartylaı fınalyna úsh boksshymyz joldama aldy: Temirtas Júsipov (49), Sanatáli Tóltaev (64) jáne Bek Nurmaǵanbet (81). Al Qaırat Eralıev (56) 1/4 fınalda jeńildi.

Usynǵan: Maqpal Sembaı