«Ashyq úkimetti» engizý. Muny Memleket basshysynyń «Ult Jospary – 100 naqty qadam: barshaǵa arnalǵan qazirgi zamanǵy memleket» atty bes ınstıtýttyq reformasyndaǵy mańyzy zor tapsyrma desek te bolady. Osy oraıda Elbasy buqaramen ashyq dıalog ornatyp aqparatqa qoljetimdilikti qamtamasyz etýdi tapsyrǵan bolatyn. Osy mindetti iske asyrý maqsatynda elimizdegi óńirler arasynda alǵash bolyp oblys ákimdigi janynan «Ońtústik» aqparat ortalyǵy qurylyp, oblystaǵy jaýapty tulǵalar men sala mamandary BAQ ókilderi aldynda halyqqa atqarylǵan jumystaryn baıandaýda. Búgingi brıfıńte oblystyq bilim, jastar saıasaty jáne tilderdi damytý basqarmasynyń basshysy A.Elshıeva bıyl óńirde 23,6 mlrd teńgege 101 bilim nysannyń qurylysy júrgizilip, jyl sońyna deıin 67 bilim nysanynyń paıdalanýǵa beriletini aıtty. Onyń 49-y mektep, 13-i balabaqsha, 5-i qosymsha qurylys. Sondaı-aq, oblystaǵy apatty dep tanylǵan 48 mekteptiń 33-inde qurylys jumystary júrgizilip, tórteýi el ıgiligine berilgen. Al, 29 nysan bıyl aıaqtalsa, 15 mekteptiń máselesi 2016 jyly sheshilmek. Basqarma basshysy baspasóz máslıhatynda úsh aýysymda oqıtyn 25 mekteptiń búginde beseýiniń qurylysy júrgizilip, aǵymdaǵy jyly tapsyrlatyndyǵyn, 2017 jylǵa deıin úsh aýysymdy mektepter sany joıylatynyn baıandady. Brıfıń sońynda jýrnalıser tarapynan qoıylǵan suraqtarǵa tushshymdy jaýap berdi.