Avstralıa bıligi jabaıy mysyqtarǵa qarsy kúres jumystaryna qyzý kirisip ketti dep habarlaıdy Qamshy.kz aqparat agenttigi CNN saıtyna  silteme jasap.

Memlekettik baǵdarlama boıynsha 2020 jylǵa qaraı 2 mıllıon mysyqtyń kózin joıý josparlanǵan.

Alǵash ret mysyqtar bul jer bóligine 17-shi ǵasyrda ákelinip, sodan bastap rekordtyq deńgeıde kóbeıgen. Mysyqtar tabıǵatqa keltirgen zıany úshin jáne sútqorektiler men endemıkterdiń 20-dan astam túrine joıylyp ketý qaýpin tóndirgeni úshin "aıyptalyp" otyr.

Avstralıanyń árbir shtatynda zıankestermen kúresýdiń ártúrli erejeleri bar. Mysaly, Kvıslend shtatynda bir mysyqty óltirseńiz, memleketten 7 dollar kóleminde syıaqy alasyz.

Al, Batys Avstralıa shtatynda ushaqtan ýlanǵan shujyqtar laqtyrylady. Kengýrýdyń eti men gastrolobıým ósimdiginen jasalatyn ýdan jasalatyn mundaı shujyqtar Pert qalasy mańyndaǵy arnaıy fabrıkada óndiriledi. Bul shujyqtar mysyqtar úshin óte qaýipti bolmaǵanymen, basqa janýarlar úshin qaýipsiz. Basty sebebi, mysyqtar jat jerden ákelingendikten, mysyqtarda joǵaryda atalǵan ýly ósimdikke qarsy ımýnıtet qalyptaspaǵan.

Aıta ketetin taǵy bir jaıt, mysyqtarǵa qarsy tek Avstralıa emes, kórshiles Jańa Zelandıa bıligi de aıaýsyz kúres júrgizip jatyr. Olar da mysyqtar popýlásıasynyń sanyn kúrt azaıtyp, 2050 jylǵa qaraı túgelimen joıyp jiberýdi kózdep otyr.

Aýdarǵan: Dáýren Sybanbaı