Shrı-Lanka bıligi musylman qoǵamyna qarsy jasalǵan buzaqylyqtarǵa baılanysty elde komendanttyq saǵat engizdi dep habarlaıdy Qamshy.kz aqparat agenttigi «Interfaks» agentigine silteme jasap.

Memlekette dinaralyq qaqtyǵystar jalǵasýda. Jergilikti polısıanyń málimdeýinshe, hrıstıandar meshit pen musylmandarǵa tıesili dúkenderge shabýyl uıymdastyrǵanan keıin dúısenbiden bastap eldiń úsh aımaǵynda komendanttyq saǵat engizildi.

Keıinirek tártipsizdikter taǵy birneshe aýdandarda bolǵannan keıin, komendanttyq saǵat búkil elge júrgizildi.

Jergilikti basylymdardyń habarlaýynsha, bılik Whatsapp, Facebook jáne birneshe áleýmettik jelilerdi ýaqytsha buǵattady. Bul shara jelide jalǵan nasıhattardyń taralýyna baılanysty jasaldy.

Esterińizge sala keteıik, 21-sáýir kúni Shrı-Lankada birneshe jarylys boldy. Bes juldyzdy 3 qonaq úı jáne 5 hrıstıandyq ǵıbadathanaǵa shabýyl jasaldy. Sonyń saldarynan 257 adam kóz jumdy. Qaza tapqandar men zardap shekkenderdiń kóbisi - hrıstıan dinin ustanýshylar.

Odan keıin elde teraktqa qatysty delingen eki lańkestik topqa tyıym salyndy.

QR SİM resmı túrde qazaqstandyqtar úshin Shrı-Lankaǵa demalys ómirlerine qaýipti dep eskertti.    

Aýdarǵan: Ildar Adılchenov