Búgin 13 mamyr dúısenbi kúni Nurlan Noǵaev Kanadanyń Qazaqstandaǵy Tótenshe jáne Ókiletti Elshisi Nıkolas Brýssty qabyldady.

Aımaq basshysy atap ótkendeı, Qazaqstan Respýblıkasynyń táýelsizdik alǵan kúninen bastap eki el saýda-ekonomıkalyq yntymaqtastyqtyń túrli salalarynda dostyq qarym-qatynas ornatty.

- Bizdiń oblysymyzda ınvestısıalaýǵa bolatyn baǵyttar men salalar jetkilikti. Atyraý - elimizdiń eń ınvestısıalyq tartymdy aımaqtarynyń biri. Búgingi tańda, Atyraý oblysynda kanadalyq kapıtaldyń qatysýymen 11 kásiporyn tirkelgen, bul sandy ózara tıimdi arttyrýǵa bolady. Investısıalardy tartý úshin barlyq qolaıly jaǵdaılar jasaý bizdiń basty mindetimiz bolyp tabylady, - dedi Atyraý oblysynyń ákimi Nurlan Noǵaev.

Óz kezeginde Kanadanyń elshisi óz eliniń klımattyq jaǵdaılary Atyraý oblysymen uqsastyǵyn aıtty, sonymen birge kanadalyq kásipkerlerdiń Atyraý oblysyn ınvestısıalaýǵa úlken qyzyǵýshylyǵy baryn da atap ótti.
Aıta keteıik, ınvestısıalyq ahýaldy jaqsartý jáne shetel ınvestorlarynyń qyzmetine qolaıly jaǵdaı jasaý úshin «Atyraý Innovatinos» JSHS jáne «Kazakh Invest» AQ-nyń aımaqtyq ofısi jumys isteıdi. Osy kompanıalardyń negizgi maqsattarynyń biri - jobanyń kez-kelgen satysynda otandyq jáne sheteldik ınvestorlarǵa sapaly jáne jedel kómek kórsetý, sondaı-aq, Qazaqstan Respýblıkasynyń zańnamasy men rásimderine qatysty máseleler boıynsha aqparattyq-analıtıkalyq jáne servıstik qoldaý kórsetý.