Sońǵy jyldary elimizdiń kóptegen boksshylary kásipqoı rıngke ótti. Boksshylardyń reıtıńin jarıalap otyratyn boxrec.com saıtynyń málimetine súıensek, qazirigi tańda kásipqoı rıngte  68 qazaqstandyq boksshy judyryqtasyp júr. Qamshy.kz aqparat agenttigi sol 68 boksshynyń arasynan úzdik ondyqtyń tizimin usynady.

2. Batyrjan Júkembaev

Kásipqoı rıngtegi jekpe-jekterin Kanadada ótkizetin Batyr Júkembaev qazaqstandyq kásipqoı boksshylardyń arasynda ekinshi orynda keledi. Osy ýaqytqa deıin 15 ret jeńiske jetken Batyr kelesi kezdesýin de Kanadanyń Monreal qalasynda ótkizedi. Dál qazir Júkembaev jartylaı orta salmaqtaǵy 1680 boksshynyń arasynda 28 orynda tur.

3. Nurzat Sabırov

Shymkent boks mektebiniń túlegi Nurzat Sabırov 2017 jyldan beri kásipqoı boksta synǵa túsip júr. Kásipqoılar arasynda 9 jekpe-jek ótkizip, barlyǵynda jeńiske jetken Sabırov kelesi kezdesýin 29 maýsymda ótkizýdi josparlap otyr. Ázirge qarsylasy belgisiz.

4. Beıbit Shúmenov

Shymkent boks mektebiniń taǵy bir túlegi Beıbit Shúmenov 4 orynda. Ol 2018 jyldyń 7 shildesinen bastap rıngke shyqpady. Sońǵy kezdesýinde ol túrik boksshysy Hıznı Altýnkaıany jeńip, aýyr salmataǵy WBA Regular tujyrymynyń vakantty chempıony atanǵan bolatyn.

5. Nursultan Janabaev

Tarazdyq N.Janabaev qazaqstandyq boksshylardyń arasynda 5 orynda keledi. Ol sońǵy jekpe-jeginde tájirıbeli venesýalyq boksshy Ivan Matýdty tehnıkalyq nokaýtpen jeńgen bolatyn. 

6. Sadrıddın Ahmedov

Áýesqoı boksta júrgen kezdiń ózinde joıqyn soqqylarymen tanylǵan Sadrıddın Ahmedov kásipqoılar arasynda da joıqyn judyryǵymen talaı myqtynyń mysyn basty. Sońǵy ret 24 sáýirde Almatyda ótken boks keshinde ındonezıalyq boksshy Djon Rýbany utyp, WBC ASIA belbeýin ıemdegen Ahmedov kelesi kezdesýin 29 maýsymda ótkizýdi  josparlap otyr. Alaıda, qarsylasy áli belgisiz.

7. Aıdos Erbosynuly

Reıtıńtiń kelesi satysynda Aıdos Erbosynuly tur. Sýper orta salmaqta judyryqtasatyn jarkenttik boksshynyń qorjynynda  WBC Asia, WBO Global belbeýleri bar bolatyn. Al 24 sáýirde Almatyda ótken boks keshinde  nambıalyq boksshy Lýkas Ndafolýmany jeńgen Erbosynuly WBA International  belbeýiniń de vakantty chempıony atandy.

8. Álı Ahmedov

 Aıdos Erbosynulymen bir salmaqta judyryqtasatyn Álı Ahmedov 8 orynda tur. Osy kúnge deıin 14 ret jeńiske jetken Ahmedov kezekti jekpe-jegin 8 maýsymdaǵy Golovkın – Rollas kezdesýiniń anterkardynda amerıkalyq  boksshy Abraham Hanǵa qarsy ótkizedi.

9. Jánibek Álimhanuly

Áýesqoı boksta álem chempıony atanǵan Jánibek Álimhanuly kásipqoı boksta da sol bıikti baǵyndyrýdy kózdeıdi. Ázirge Álimhanuly qazaqstandyq kásipqoı boks sheberleriniń arasynda  9 satyda.  Genadıı Golovkınmen bir salmaqta judyryqtasatyn Álimhanulynda  WBO Global jáne WBC Continental Americas belbeýleri bar.

10. Bobyrjan Momynov

Úzdik ondyqty jartylaı orta salmaqta judyryqtasatyn Bobyrjan Momynov túıindep tur. Shymkenttik boksshy 2016 jyldan beri kásipqoı boksta júr. Sharshy alańǵa 10 ret shyǵyp, barlyǵynda jeńiske jetken.