Búgingi kúni álem boıynsha 1 mlrd 6 mıllıonnan astam adam musylman dinin ustanady. Áleýmettaný ǵalymdary bul kórsetkish 10-15 jyldan keıin  2 mıllıardqa deıin ósetinin aıtady dep jazady Qamshy.kz aqparat agenttigi.

— Jer sharyndaǵy musylmandardyń tek 20% -y Taıaý Shyǵys pen Soltústik Afrıkada turady. Islamdy ýaǵyzdaýshylardyń basym kópshiligi Azıa-Tynyq muhıt aımaǵynda, atap aıtqanda Indonezıada ornalasqan.

— Barlyq musylmandardyń tek 15% ǵana – arabtar.  

— Eýropalyq elder arasynda musylmandar eń kóp shoǵyrlanǵan el – Albanıa. Halqynyń 70% – musylmandar.  Albanıa hrıstıandyq Gresıa,  Iýgoslavıa elderimen shektesedi.

— Islam dininiń sımvoly – juldyz ben jarty aı. Paıǵambarymyz Muhammedtiń ómiri kezinde jańa paıda bolǵan Islam dininde sımvolızm bolmaǵan. Bul sımvol eń alǵash orta ǵasyrdyń eń qýatty memleketteriniń biri Osman ımperıasy tusynda paıda bolyp, arab elderiniń týlarynda beınelengen.

Musylman dinine qatysty tarıhı oqıǵalar:

— Ekinshi dúnıejúzilik soǵys kezinde Gıtler áskerlerdiń eń aldyńǵy shebine tek musylmandardan turatyn bólimderdi ornalastyrǵan. Sol musylmandar «Erkin Úndistan» atty legıon qurady. Onyń quramynda fashıserdiń qolyna túsken Bangladesh pen Pákistannyń musylmandary kirgen.

— Djon Pol II  Rım Papasy bolǵan ýaqytta hrıstıan men ıslam elderin barynsha jaqyndastyrýǵa tyrysqan. Ol 2001 jyly Damaskige (Sırıa astanasy) kelgende meshitke kirip, duǵa etken eń birinshi papa boldy. Namazdyń sońynda Djon Pol II Qurandy qolyna alyp, súıdi. Onyń bul áreketi qoǵamda biraz shý týǵyzdy.

— Qurannyń keıbir súreleri túsiniksiz arab belgilerinen bastalady.  Dintanýshylar, ǵalymdar ol belgilerdi aýdarýǵa tyrysqan, biraq budan eshqandaı nátıje joq. Sońynda barlyǵy ony qudaıdyń qupıa, qasıetti, eshqandaı suraýsyz berilgen belgiler retinde qabyldady.

— Iraktaǵy meshitterdiń birinde Saddam Hýseınniń qanymen jazylǵan erekshe Quran saqtaýly tur. Kitap 2000 jyly jarıalanǵan jáne  2 jyl boıy jasalǵan. Jergilikti uıymdar bul kitapty ne isteıtinderin kelise almaǵan. Sebebi , birinshiden, qasıetti kitapty qanmen jazýǵa tyıym salynǵan. Bul dinge qaıshy áreket. Ekinshi jaǵynan, Quran qasıetti mártebege teńestirilgendikten ony joıyp tastaý múmkin emes.

 Qazirgi kúni dinder bir-birimen tyǵyz aralasyp jatady jáne adamdardyń dúnıetanymdyq kózqarasy sheńberinde bir-birimen tyǵyz baılanysty.  Degenmen, dinniń áli kúnge mańyzy joǵary.

— Abý-Dabı men Bahreınde ótetin Formýla -1 jarysynyń jeńimpazy dástúr boıynsha shampan atyp, kóbigin jurtqa shashady. Alaıda kóbikti jańbyr úshin alkogolsiz sýsyndar qoldanýy kerek.

— Ańyzǵa aınalǵan boksshy Muhammed Alı Gollıvýdta tanymal juldyzdy dańqqa ıe bolǵanda, óz esimi jazylǵan juldyzdy trotýarǵa salýdan bas tartqan. Nátıjesinde onyń esimi Dolbı teatrynyń qabyrǵasynda ornatyldy. Boksshy Paıǵambarymyzdyń esimi jerde taptalǵanyn qalamaǵan.

— Barselona fýtbol klýby 2010 jyly Katar eliniń Qatar Foundation kompanıasymen kelisimsharqa otyrarda, ınvestor fýtbolshylardyń emblemasyn ózgertýin talap etken. Nátıjesinde  komandalyq logotıptegi kresiń sýreti kóldeneń syzyqpen almastyrylǵan.