22 mamyrda Shveısarıanyń Lozanna qalasynda Halyqaralyq Olımpıada komıtetiniń (ary qaraı HOK) kezekti otyrysy ótti dep jazady Qamshy.kz aqparat agenttigi.
Atalǵan otyrysta talqylanǵan máselelerdiń biri - boks sportynyń Olımpıada oıyndarynda qalý nemese qalmaýy. Esterińizde bolsa, osydan 6 aı buryn HOK 2020 jyly Tokıoda ótetin Olımpıada oıyndaryna bokstan irikteýdi toqtata turý týraly sheshim qabyldaǵan edi. HOK sol kezden bastap Búkil álemdik boks federasıasynyń (ary qaraı AIBA) jumysyn tergeýmen aınalysqan. Olar tekseristi AIBA-nyń qarjy, menedjment, etıka jáne tóreshilik salasyndaǵy qyzmetine baılanysty júrgizdi.
22 mamyrda arnaıy zertteý júrgizgen komısıa zertteý nátıjelerin usyndy jáne HOK-tyń atqarý komıteti Olımpıada oıyndarynyń baǵdarlamasynda bokstyń qala beretinin málimdedi. Alaıda HOK AİVA-ny tergeýdi tek Tokıodaǵy oıyndar aıaqtalǵanǵa deıin ǵana toqtataıyn dep otyr.
Endi 2020 jylǵy Olımpıada oıyndarynyń irikteý júıesi men Tokıodaǵy boks jarystaryn AİVA emes, HOK múshesi, Halyqaralyq gımnastıka federasıasynyń prezıdenti Morınarı Vatanabeniń jetekshiligimen Halyqaralyq Olımpıada Komıtetiniń arnaıy qurylǵan jumys toby basqarady.
Sonymen qatar, HOK Tokıoda erler segiz, áıelder bes salmaq dárejesinde jarysqa qatysatynyn da málimdedi. Esterińizge sala keteıik, 2016 jyly Rıoda ótken Olımpıada oıyndarynda erler 10, áıelder 3 salmaq dárejesinde synǵa túsken edi.
Daıyndaǵan: Mıat Káshibaı
