Mańǵystaý oblysynyń ákimi Eraly Toǵjanov  aýyz bekitken aqsaqaldar men aq jaýlyqty analarǵa, zıaly qaýym ókilderine, ákimshilik qyzmetkerlerine arnap aýyzashar berdi. Keń dastarhan basynda oblystyq Beket ata meshitiniń bas ımany Smaıl Seıtbekov qajy oblys ákiminiń jaıǵan dastarhanynan dám tatqan jamaǵat atynan rızashylyq bildirdi.

 «Ramazan – adam balasyn jan-jaqty tárbıleıtin aı. Oraza ustaý degenimiz – tek qana jep-ishýden tıylý emes, búkil aǵzańa oraza ustatý. Sonda ǵana adam orazadan rýhanı lázzat alady, izdegenin tabady. Oraza – musylmannyń esepsiz saýapqa keneletin aıy. Sol sebepti, bergen aýyzasharyńyzdy qabyl etip, mol saýaptar násip etsin», - dep jyly lebizin jetkizdi. Oblys basshysy Eraly Toǵjanov jınalǵan qaýymdy qasıetti Ramazan aıymen quttyqtady. Tilek-nıetteriniń qabyl bolyp,  el Táýelsizdigi tuǵyrly, keleshegi kemel bolsyn dep tiledi.