Almaty qalasy men Almaty oblysynyń turǵyndarynan turatyn qylmystyq toptyń zańsyz áreketiniń jolyn kesti,  dep habarlaıdy Qamshy.kz aqparat agenttigi UQK baspasóz qyzmeti.

Olar uzaq ýaqyt boıy krımınaldy atys qarýyn, oq-dáriler men jarylǵysh zattardy satýmen aınalysqan.

2019 jylǵy 5 maýsymda UQK «A» arnaýly maqsattaǵy qyzmetin tartýmen iri aýqymdy arnaıy operasıa júrgizildi, onyń barysynda osy qylmystyq toptyń 6 qatysýshysy ustaldy. 

Tintý júrgizý kezinde 3 granataatqysh, 2 «Kalashnıkov»   avtomaty, 5 pıstolet, 3 báseńdetkish, optıkalyq kózdeýish, sondaı-aq ártúrli kalıbrdaǵy 1400 birlik patron tabylyp, alyndy. 

Fıgýranttardyń biriniń turǵylyqty jeri boıynsha qarýdy jınaý jáne qaıta jasaý úshin arnalǵan jasyryn sheberhana, sondaı-aq kóp mólsherde ártúrli quramdas bólikter (uńǵylar, oqjatarlar, tutqalar, bekitý tetikteri men basqalary) tabyldy. Odan basqa, qoldan jasalatyn jarylǵysh qurylǵylardy jasaý úshin komponentter (selıtra, jarylǵysh dári jáne  basqalary) alyndy.  

Sotqa deıingi tergeý júrgizilýde, onyń sheńberinde tergeý osy toptyń áreketine qatysy bar barlyq adamdardy, onyń ishinde krımınaldy qarýdy satyp alýshylardy anyqtaıdy. 

Usynǵan: Ildar Adılchenov