Altyn isi boıynsha Búkilálemdik keńestiń (WGC) málimetine súıensek, qundy metaldyń 1-maýsymdaǵy kólemi 366,6 tonnany quraǵan. 1-mamyr kúni bul kórsetkishtiń kólemi 361,7 tonna bolǵan. Demek, bir aı ishinde elimizdiń altyn qory 5 tonnaǵa tolyqqan. 

Dál qazir Qazaqstan altyn qory boıynsha álemde 14-orynda tur. Alǵashqy úshtikti AQSH, Italıa jáne Germanıa túıindep tur.

AQSH-tyń jalpy altyn qoryndaǵy qundy metal kólemi – 8,1 myń tonnany, Germanıada 3,3 myń tonnany, Italıada 2,4 myń tonnany quraıdy. Al Reseı bul tizimde 2,2 myń tonna altynymen 5-orynǵa yǵysqan. Qytaıdyń qorjynyndaǵy 1,9 myń tonna altyn altynshy oryndy enshilepti.

Bıyl sheteldik kompanıalar Qazaqstannan altyn izdeý úshin 2 mıllıard teńgeden astam ınvestısıa salýdy josparlap otyr. Qazaqstannyń altyn rezervi 2015 jyldyń 1-mamyryndaǵy kórsetkishpen salystyrǵanda 1,6 mlrd dollarǵa azaıǵan.