Túsinbeıtin óz ultynyń jan syryn,
Qasymjomart Toqaevqa qarsymyn.
Júırik aqyn Júrsin Erman aıtqandaı,
Óz bıigin bilý kerek ár shybyn.
Qarsy emespin jazymyshqa, taǵdyrǵa,
Qarsymyn men Áýjanuly Jambylǵa.
Karate emes, qara terin kórsetsin,
Segiz mıllıon sengen eldiń aldynda.
Qarsymyn men atqa qonǵan áıelge,
Áıel bastap ońyp edi qaı elde.
Árbir áıel baqytty etsin óz baıyn,
Qarashany qosam demeı baı elge.
Amangeldi, Tóleýtaı men Jumataı,
Patsha bolmas, pátıaly kil ataı.
Erdiń jasy elý degen qazaqta,
Ortasynda bir "Eri" joq.
Uıat-aı!
Ne kórsem de kóppen birge kóremin.
Elden basqa joq ta meniń senerim.
Qorqa-qorqa shyqpaı qalǵan daýsymdy,
Amalsyzdan, Qosanovqa beremin!
Qaınar Alagózov
Pikir qaldyrý