Medısınalyq saqtandyrý sarapshylary Qaraqıa aýdandyq ortalyq aýrýhana men emhana qyzmetkerlerine túsindirme jumystaryn júrgizdi. Atap aıtqanda, mindetti áleýmettik medısınalyq saqtandyrý júıesiniń qaǵıdalary, engizý kezeńderi men onyń utymdy jaqtary týraly aıtyldy. Medısına salasynyń mamandarymen kezdesý – bıylǵy keń kólemdi aqparattyq-túsindirme jumystarynyń alǵashqy kezeńi. Budan bólek,  turǵyndar  jáne jumys berýshi, sondaı-aq jumysshylarmen de kezdesýler uıymdastyrylyp otyr.

-«Quryqtaǵy №1-orta mektep ujymymen kezdesip, densaýlyq salasynda 2020 jylda bolatyn eń úlken jańalyq – medısınalyq saqtandyrýdyń mańyzyn aıttyq. Al qazir emhana qyzmetkerlerine MÁMS júıesi týraly oqytýǵa kelip otyrmyz. Aq halattylar jańa baǵdarlama týraly egjeı-tegjeıli bilýi tıis. Sebebi, saqtandyrylǵan azamattar MRT, KTA sıaqty qymbat medısınalyq qyzmet túrlerin tegin ala alady, - dedi «Áleýmettik medısınalyq saqtandyrý qory» jergilikti fılıalynyń bas sarapshysy Aıangúl Jumash.

            Esterińizge sala keteıik, Qazaqstanda úzdik halyqaralyq tájirıbeni esepke ala otyryp memleket, jumys berýshi jáne árbir adamnyń yntymaqty jaýapkershiliginiń negizinde ázirlengen medısınalyq saqtandyrý júıesin engizý jumystary bastalady. Sonymen qatar, memleket ekonomıkalyq belsendiligi tómen halyq úshin jarna tóleıtin bolady. Jumys berýshiler – jaldamaly jumysshylar úshin, qyzmetkerler men salyq organdarynda tirkelgen ózin-ózi qamtyǵan azamattar ózderi úshin tóleıtin bolady.

            Memleket azamattardy tegin medısınalyq kómektiń kepildik berilgen kólemimen (ári qaraı - TMKKK) ári qaraı qamsyzdandyrýyn jalǵastyrady. Olardyń qataryna áleýmettik máni bar aýrýlar, shuǵyl jaǵdaılar, jedel medısınalyq kómek, sanıtarlyq avıasıa men vaksınalaý kiredi.  Al, MÁMS aıasynda saqtandyrylǵan azamattarǵa joǵarǵy tehnologıalyq medısınalyq qyzmetter, stasıonardy almastyratyn tehnologıalar, uzaq merzimdi meıirgerlik kútim, ambýlatorlyq dárilermen qamsyzdandyrylǵan ambýlatorlyq-emhanalyq kómek kórsetiletin bolady.