Aqtaý qalasy hımıa-bıologıa baǵytyndaǵy Nazarbaev Zıatkerlik mektebiniń «Meıirim óskini» qaıyrymdylyq eriktiler tobynyń oqýshylary «Orazanyń dámi» atty qaıyrymdylyq aksıasyn uıymdastyrdy. Shara aıasynda jas zıatkerler Mańǵystaýdaǵy úsh otbasyǵa qamqorlyq kórsetip, azyq-túlik jáne bir qoıdyń bóligin usyndy.

-Bizdiń qaıyrymdylyq top osyǵan deıin ótkizgen sharalardan túsken qarajat jınalǵan edi. Sol aqshaǵa bir qoı men azyq-túlik aldyq. Qoıdy úsh otbasyǵa bólip tapsyrdyq. Bul arqyly biz qaıyrymdylyq jasaý úshin kóp somanyń qajet emes ekendigin kórsetkimiz keldi, -deıdi bilim ordasynyń bıylǵy jylǵy túlegi Jumabek Aman.

Zıatkerlik mektep oqýshylarynan quralǵan qaıyrymdylyq toby osyǵan deıin de birneshe sharalardy uıymdastyryp, az qamtylǵan otbasylarǵa múmkindikterinshe kómektesip keledi.