Kárim Másimov ulttyq qaýipsizdik komıtetiniń tóraǵasy bolyp taǵaıyndaldy dep habarlaıdy Qamshy.kz aqparat agenttigi Aqordanyń resmı saıtyna silteme jasap.

"Kárim Qajymqanuly Másimov Qazaqstan Respýblıkasy ulttyq qaýipsizdik komıtetiniń tóraǵasy bolyp taǵaıyndalsyn", - delingen qujatta.

Kárim Másimov — 1965 jyly 15 maýsymda Qazaqstannyń Selınograd qalasynda (qazirgi Nur-Sultan) dúnıege kelgen. 1982 jyly Almaty qalasyndaǵy respýblıkalyq fızıka-matematıka mektebin úzdik bitirgen. 1985 jyly Máskeý qalasyndaǵy Patrıs Lýmýmba atyndaǵy halyqtar dostyǵy ýnıversıtetinde arab fılologıasy boıynsha bilim aldy. 1988 jyly Beıjińdegi til bilimi ınstıtýtynda oqyǵan. 1991 jyly Qytaıdaǵy Ýhan zań ýnıversıtetin, 1995 jyly Qazaq memlekettik basqarý akademıasyn bitirgen.

Mamandyǵy – qarjyger, zańger, qytaıtanýshy, ekonomıka ǵylymdarynyń doktory. Orys, qazaq, aǵylshyn, qytaı, arab tilderin meńgergen;

Ár jyldary kólik jáne komýnıkasıa mınıstri, premer-mınıstriniń orynbasary, Qazaqstan prezıdentiniń kómekshisi, premer-mınıstr qyzmetterin atqardy.

2012 jyldyń  qyrkúıeginde Kárim Másimov úkimet basshysy qyzmetinen ketýge aryz berdi. Prezıdent Nursultan Nazarbaev ótinishti qabyldady. Sol kúni prezıdent ákimshiliginiń basshysy bolyp taǵaıyndaldy.

2014-2016 jyldary ekinshi ret Qazaqstan premer-mınıstri qyzmetin atqardy. 2016 jyldyń 8 qyrkúıeginen Qazaqstan ulttyq qaýipsizdik komıtetiniń basshysy bolyp taǵaıyndaldy.