"Parı Sen-Jermen" jáne Brazılıa quramasynyń shabýylshysy Neımar katalondyq "Barselonamen" aýyzsha kelisimge qol jetkizdi dep habarlaıdy Qamshy.kz aqparat agenttigi Sport.es saıtyna silteme jasap. 

Basylymnyń aqparaty boıynsha, qos tarap besjyldyq kelisimshartqa qol qoıdy. Bul rette brazılıalyq katalondyqtarmen kelissózder júrgizbeı, klýb basshylyǵy onyń transferin qalaı júzege asyratynyn túsine otyryp, oǵan usynylǵan sharttarǵa kelisti.

Kelisimshart boıynsha Neımar qazirgige qaraǵanda bir jarym ese az jalaqy alady. Qazirgi ýaqytta 27 jasar forvard eń joǵary aqy tólenetin fýtbolshylar tiziminde ekinshi orynǵa ıe. "Barselonada" fýtbolshynyń jalaqysy 24 mıllıon eýrony quraıdy.

Buǵan deıin habarlanǵandaı, "Barselonaǵa" oralý úshin Neımar da klýb jankúıerleriniń aldynda keshirim surap, onyń PSJ-ǵa ótýi 2017 jyldyń jazynda qate bolǵanyn moıyndaýǵa daıyn.

Eki jyl buryn parıjdikter brazıalıalyq aıaqdopshyny 222 mıllıon eýroǵa satyp alǵan. 27 jasar forvardtyń PSJ-men kelisimsharty 2022 jyldyń 30-maýsymyna deıin eseptelgen. Ótken maýsymda brazılıalyq forvard 15 gol soǵyp, Fransıa chempıonatynyń 17 machynda jeti nátıjeli pas berdi.

Aýdarǵan: Aqjibek Aralbek