Bul týraly búgin óńirlik komýnıkasıalar qyzmeti alańynda ótken brıfıńte «Amanat» azamattyq platformasynyń oblystyq shtab jetekshisi Ǵalıa Jalǵasbaı málimdedi.

«Amanat» azamattyq platformasynyń basty mindeti –  9-maýsym kúni ótetin prezıdenttik saılaýǵa monıtorıń júrgizý. Osy maqsatta, arnaıy baıqaýshylardyń qatary jasaqtalyp, olar zandy turǵyda bilimderin jetildirdi.

Jalpy oblysta saılaý kezinde baqylaý júrgizetin kásibı baıqaýshylardyń 223 quramy bar. Olardyń 40 paıyzyn jastar, 60 paıyzyn orta býyn ókilderi  qurap otyr. Táýelsiz baqylaýshylardyń júıesi oblysta alǵash ret uıymdastyrylyp otyrǵandyqtan aýqymy da keń. Sondaı-aq mobıldik kapıtandar men baıqaýshy toptardy oqytý oblys kóleminde júzege asyp, shtab ókilderi aýyl-aýdandardy aralap birneshe ret kezdesý ótkizdi. Qazirgi ýaqytta saılaý ýchaskeleri músheleriniń teń jartysy jańarǵan.Saılaý komısıalarynyń quramy daýys berýshilerdiń sanyna qaraı 5-ten 11 adamǵa deıin kóbeıedi, al «amanattyqtar» eshbir kandıdatqa jaqtas bola almaıdy. 

«Tujyrymdamaǵa sáıkes táýelsiz baqylaýshylar júıesin qurý úshin olardy oqytýmen  aınalysatyn on mobıldik kapıtan daıyndaldy. Olar aýdan-aýyldardy aralap, sheberlik saǵattaryn ótkizip, tájirıbelerimen bólisýde. Qazirgi ýaqytta bir oblystyq, jeti aýmaqtyq saılaý komısıalarynyń quramyna birikken 223 ýchaski saıası naýqanǵa tolyqtaı daıyn»,-dedi «Amanat» azamattyq platformasynyń oblystyq shtab jetekshisi Ǵalıa Jalǵasbaı.

Aıta keteıik,  «Amanat» azamattyq platformasynyń 7 adamnan turatyn shtaby óńirde jumysyn bastaǵan bolatyn. Olar barlyq saılaý ýchaskelerinde jumys isteıtin baqylaýshylardy daıarlaýmen aınalysady. Kandıdattardyń qyzmetteriniń ártúrliligine qaramastan, teń deńgeıde bir tańdaý jasaýdy monıtorıń júzege asyrady.  Sonymen qatar, árbir azamat ózi tańdaǵan prezıdentine jeke amanatyn tapsyrady.