Italıadaǵy oppozısıoner endigi kezekte Ómirzaq Shókeev pen basqa da ákimderdi synǵa alyp, Youtube arnasyna vıdeo júktedi dep habarlaıdy Qamshy.kz aqparat agenttigi. 

Turǵymbaı Erjan óz vıdeosyn Arystaǵy jaǵdaıdan bastady. Sol týraly sóz qozǵady da:

"Kirgen kezde "ostorojno" kir deısiń Ómirzaq. Meniń tańym bar saǵan. Sen óziń sol Shymkenttikisiń qatelespesem. Óz jerlesteriń ǵoı, sol jandarǵa nege kómek bermeısiń? Seniń jáne seniń qasyńda taltaıyp júrgen Nurlan Ermekbaevtyń isteriń durys emes. Men saılaýǵa deıin aıtqanmyn, Qosanov aldaıdy dep. Qazir sender aldap jatyrsyńdar halyqty. Bárine Arysqa júr deısiń. Kir deısiń, qoryqpa deısiń, 100 paıyz taza bári deısińder. Dalada shashylyp jatyr eken snarádtar. Qudaı saqtasyn balalar oınap júrgen kezde jarylsa ne bolady. Sender nege qunyǵyp jatyrsyńdar. Erkeksińder ǵoı. Erkek shyǵarsyńdar endi. Kishkene bolsa da namys bolý kerek qoı. Pendemiz ǵoı bárimiz, túsinemin. Erteń birdeńe bolsa kináli sender bolasyńdar. Qazaqta jaqsy sóz bar  "Qyzym saǵan aıtamyn, kelinim sen tyńda" degen. Saǵan jáne basqa da ákimderge aıtarym. Qazirgi ýaqytta qytaılar basyp alǵysy keledi bizdi. Barlyq bılik satylǵan. Elimiz úlken qaýipte tur. Eń basty qaýip egemendigimizden aıyrylyp qalýymyz múmkin. Sen arystyqtarmen birge turamyn dep ótirik aıtpa. Saǵan sený úshin otbasyńdy alyp kel Arysqa. Sonda bári senedi. Kesh bolmaı turǵan kezde áreket qylyńdar. Halyqty Arystan shyǵaryp, tolyq tazalap sosyn kóshirińder halyqty",- dedi.

Shetelde otyryp, eldiń saıasatyn túzegisi keletin Erjan myrza osyǵan deıin de Arys jaıly vıdeolar júktegen.

Eskertý: Vıdeoda artyq sózder bar!