Bilim jáne ǵylym mınıstri Asqat Aımaǵambetov "synyp" sózin qaıtadan "klasqa" aýystyrýǵa qatysty jeke oıyn aıtýdan bas tartty, biraq munyń qabyldanǵan sheshim ekenin jetkizdi dep habarlaıdy Qamshy.kz aqparat agenttigi Sputnik saıtyna silteme jasap. 

"Oǵan qatysty jeke oıymdy aıtqym kelmeıdi. Óıtkeni bul – qabyldanǵan sheshim. Sondyqtan ony aıtpaı-aq qoıaıyn, túsinikteme bermeı-aq qoıaıyn", - dedi Aımaǵambetov 

Aıta keteıik, maýsym aıynda Mádenıet jáne sport mınıstri Aqtoty Raıymqulova ótken esep berý kezdesýi kezinde halyqaralyq termınderdi qazaq tiline qaıtarý úshin termınologıalyq qorǵa monıtorıń júrgizilgenin jetkizdi. Osyǵan oraı buryn qazaq tiline aýdarylǵan 3 300-den astam jalpyǵa birdeı qabyldanǵan termın men uǵym qaıta qaralyp bekitildi.

"Olardyń 300-ge jýyǵy – halyqaralyq termınder. Mysaly, "murajaı" degen sóz "mýzeı" bolatyn boldy. Muraǵat – arhıv, taǵy sondaı-sondaı nárseler", – dedi Raıymqulova.

Budan bólek, azatjol – abzas, paıyz – prosent, synyp – klass, qursym – shına,  teńgerim – balans, ánuran – gımn, muqammal – ınventar, aqaý – defekt, shegendeý – demarkasıa, meıramhana – restoran, qımyl – anımasıa, al "áleýet" degen sóz "potensıal" bolyp qaıta ózgertildi.

Al áleýmettik jelide "synyp" pen "klass" sózderi qyzý talqylanǵany belgili. Bireýler osy ýaqytqa deıin "synypqa" ábden úırengenin jazsa, endi bireýler "klasstyń" qaıta kelgenine qýandy.