«Adyrna» ulttyq-etnografıalyq birlestigi» qoǵamdyq qory QR Aqparat jáne qoǵamdyq damý mınıstrligi qoldaýymen «Azamattyq bastamalardy qoldaý ortalyǵy» KEAQ-nyń memlekettik granty aıasynda «Týǵan jer» atty jastardyń patrıottyq shyǵarmashylyǵyn damytýǵa baǵyttalǵan áleýmettik jobany júzege asyrýǵa kiristi.

Jobanyń maqsaty – jastardy týǵan jeriniń patrıoty bolýǵa baýlyp, oǵan kirshiksiz qyzmet etýge shaqyrý. Joba aıasynda «Adyrna» uıymy respýblıkalyq deńgeıde úzdik maqala (esse, áńgime), úzdik poezıa, úzdik beıneleý óneri boıynsha shyǵarmashylyq baıqaýlar ótkizedi. «Úzdik maqala» nomınasıasy boıynsha jastar arasynda úzdik essege, áńgimege, «Úzdik poezıa» nomınasıasy boıynsha jastar arasynda úzdik óleńge, «Úzdik beıneleý óneri» nomınasıasy boıynsha jastar arasynda úzdik sýretke, beınege, «Úzdik ónertabys» nomınasıasy boıynsha jastar arasynda úzdik ǵylymı, turmystyq jáne t.b. ónertabysqa baıqaý jarıalanady. Baıqaýǵa Qazaqstan Respýblıkasynyń 14 ben 29 jas aralyǵyndaǵy jastary qatysady. Qorytyndy marapattaý aǵymdaǵy jyldyń qyrkúıek aıyna josparlanyp otyr. Barlyq shyǵarmashylyq jumystar «Adyrna» ulttyq portalynyń «Týǵan jer» aıdaryna jarıalanady.

Sonymen birge Qazaqstan Halqy Assambleıasymen birlesip, Soltústik Qazaqstan, Pavlodar, Qostanaı jáne Aqmola oblystaryndaǵy ózge ult ókilderi arasynda «Týǵan jerim – Qazaqstanym» atty poezıalyq baıqaý uıymdastyrady.

Jeńimpazdardy aqyndardan, jazýshylardan, sýretshilerden, kásipkerlerden, jýrnalıserden, qoǵam qaıratkerlerinen jasaqtalǵan qazylar alqasy anyqtaıdy. Barlyq baıqaýlardyń jeńimpazdary arnaıy syılyqtarmen jáne alǵys hattarmen marapattalady.

Jobany júzege asyrý 2019 jyldyń sáýir-qarasha aılary aralyǵynda ótedi. Al baıqaýdyń erejeleri aldaǵy kúnderi áleýmettik jeliler men ınternet-resýrstarda egjeı-tegjeıli jazylady.