Aqtaýda jergilikti halyq jerde jatqan Qazaqstannyń kók baıraǵyn kórgende ne isteıtini jasyryn kameraǵa túsirilip, eksperıment júrgizildi dep habarlaıdy Qamshy.kz aqparat agenttigi Lada.kz saıtyna silteme jasap.
Jergilikti turǵyndardyń memlekettik rámizderge kózqarasyn bilý úshin uıymdastyrýshylar áleýmettik tájirıbe jasaýǵa bel býǵan.
Olar adamdardyń reaksıasyn jasyryn kameraǵa túsirip aldy. Turǵyndar san túrli áreket kórsetti. Biri túk kórmegendeı janynan ótip ketse, endi biri kók týdy jerden kóterip, joǵaryǵa ilip qoıdy, ózgesi ózimen birge alyp ketti. Jerde jatqan kók baıraqqa nemquraıly qaramaǵan jandardyń ishinde tek úlkender emes, balalar da boldy.
Pikir qaldyrý